मनातले सारे माझ्या
गेले राहून मनात ।
पडला डोळ्यातून पाऊस
थेंब गळले आसवात ।
होती आस या मनात
प्रतीक्षा ही डोळ्यात ।
गेल्या भावना सोडून
दाटला हुंदका गळ्यात ।
झाली दूर आता वाट
कुठे पडेल गाठ ।
अंधार झाला काळा कुट्ट
होईल कधी पहाट ।
काळोखात चाले नाच
भूत वसले डोक्यात ।
तुटले स्वप्न आता सारे
धूसर झाले क्षणात ।
मन लागले खाया
होते धडधड उरात ।
संथ झाले आता श्वास
कुठे प्राण या तनात ।
Sanjay R.
No comments:
Post a Comment