Thursday, May 31, 2018

कृष्ण सावळा

काळा काळा
कृष्ण सावळा
मागे गोपिकांचा मेळा
मानमोहना तू रे
लाविला साऱ्यासी लळा
एक राधा ती
प्रेम फुलले अंतरात
तिज भासे तू निळा
फुलला बहरला मळा
सूर बासरीचे तुझ्या
तृप्तीचा आनंद वेगळा
Sanjay R.

Friday, May 18, 2018

मी वर्हाडी

" मी वर्हाडी "

वाट्ते ना भाऊ मलेबी
वऱ्हाडीचा अभिमान।

वऱ्हाडात जलमलोना
मुनच हाये मले साभिमान ।

लयच झालना का भौ
घेतो मी बी देवाची आन ।

साधाच मानुस मी
नको मले बापू मान पान ।

नसन ना हुशार मी
तरी हाये मले सारंच ग्यान ।

तुया इतलाच आसन मी
नको समजू मले ल्हान ।

जास्त नाई पर सांगतो तुले
लय फिरलो मी रान न रान ।

आरशात बी पाऊनच हावो
ठीक ठाकच हाये महा वान ।

कंदी मंदी पूजा बी करतो
देतो गरीबायले थोडं दान ।

बोललं कोनी का मंग ना
सुटते आपलंबी मंग भान ।

वरहाडाची मातीच अशी
काळी मुलायम लोण्यावानी छान ।
Sanjay R.

ओढ

नाकात नथनी
कपाळी टिकली

डोळ्यात तुझ्या
ओढ दिसली

थोडी तू हसली
अंतरात बसली

ये ना सखे तू
हृदयात ठसली
Sanjay R.

Wednesday, May 16, 2018

हवा फक्त पेन

झाड वेल
हत्ती घोडा
कावळा चिमणी
नदी नाले
सारेच
निसर्गाची देणं
लिहायला हवा
फक्त पेन

Monday, May 14, 2018

अंतरातला आवाज

आई हा अंतरातला आवाज
मम्मीला थोडा इंग्रजीचा साज ।

मम्मी असो वा आई कुणाची
नाते असे की शिरावरती ताज ।

तळ हातावर जपले तुज तिने
का इतकारे चढला तुज माज ।

नाकोरे धाडू वृद्धाश्रमी तिला
विकून खाल्ली कारे तू लाज ।

तुही जप ठेव तिच्या प्रेमाची जाणीव
आनंदी होईल दिवस तुझा आज ।
Sanjay R.

आई

आई आठवण तुझी करण्या
का हवा आजचाच दिवस ।
हावीस तू आम्हां साऱ्यासी
सुकर होईल जीवन प्रवास ।
Sanjay R.

Friday, May 11, 2018

राजकारण

राजकारण्यांचा धंदाच खोटा
मंग फिरतेत घेऊन लोटा ।
लय फसोल भौ दाऊन पंजा
भरून घेतल्या आपल्या गनजा ।
Sanjay R.

Thursday, May 10, 2018

साल्याच लगन

साला महा हाये
भौ लयच भारी ।

नाई आठवत आता
त्यांन कितीक पायल्या पोरी ।

म्हने पायजेन मले
फकस्त बायको गोरी ।

त्याची बिन गोठ
हाये ना खरी ।

कोणीच न्हायी गोरं
त्याच्या बंद्या घरी ।

सबन ढेकल
कायी माती तरी बारी ।

मजबूत लय त्याची
लग्नाची दोरी ।

भेटली लेकाले
बायको गोरी गोरी ।

दिस ठरला लग्नाचा
झाली सगयी तयारी ।

येळेवरच फुगला
इतला थो भारी ।

मने देईन बुलेट त
येतो मांडवा च्या दारी ।

न्हायी मनसान त
जातो मा घरी ।

पोरी चा बाप आला
मारूतीच्या पारी ।

मने चाला ना बापु
देतो गाडी घरी ।

बसून नेजा पोरीले
हाये थे कारभारी ।

तवा आला साला
मांडव घरी ।

खुश हाये आता
फिरते बुलेट वरी ।

बायको बी त्याची
हाये थोडी बरी ।

बांधून ठिवलं लेकाले
त्याची जीरावते पुरी ।
Sanjay R.

गुलाबाच्या फुला

वाह रे वाह तू
गुलाबाच्या फुला
कुणी रे असा गोड
रंग दिला तुला ।

सुंदर किती रे
या कोमळ कळ्या ।
नाजूक नाजूक
तुझ्या पाकळ्या ।

मोहक तुझे रूप
लवितोस लळा ।
रंगांची उधळण
नटतात माळा ।

सुगंध तुझा रे
मोहवितो मला ।
मनातले गुज
कळले का तुला ।
Sanjay R.

Monday, May 7, 2018

प्रकाश मंद

असाच माझा हा छंद
कधी मन होतं बंधुंद ।

परासातला सुगंध
प्रकाश चांदणीचा मंद ।

वाटा अंतरातल्या रुंद
परी नाहीत कुठले बंध ।

सांग सखे तू मजला
होऊ दे मनास स्वछंद
Sanjay R.

Sunday, May 6, 2018

परी

नाकात नथनी
गालावर हसू
सांगा ना मला
दिसते का सासू

वर्हाडी लुगड्याला
पदर जरीचा ।
शोभला ना मला
वेश हा परीचा ।
Sanjay R.

Saturday, May 5, 2018

खो जाता हु

देखकर मै
मुसकुराहट तुम्हारी
न जाने क्यु 
बेचैन हो जाता हु ।

कुछ सपने कुछ यादे
तुम और हम
वक्त की आघोशमे
बस युही खो जाता हु ।
Sanjay R.

काम काम काम

करा पाहिले काम
तरच मिळेल आराम ।

प्रश्न पोटा पाण्याचा
मोजावे लागतात दाम ।

ऊन असो वा पाऊस
नाही कष्टाला विराम ।

महागाई भिडली आकाशी
बघूनच आता फुटतो घाम ।

जाइल जीव तेव्हाच आता
मिळेल जीवाला विश्राम ।

जाऊन वरच आता सारे
घेऊ श्री हरीचे नाम ।
Sanjay R.

Thursday, May 3, 2018

कविता गवसली

मला शब्दच सुचत नाही
सांगेल का कुणी काही।
शोधले शब्दांना मी दिशा दाही ।
मनातच गवसली कविता माही ।
Sanjay R.

Wednesday, May 2, 2018

" भ्रमर दिवणा "

फुल उमले पाकळी
गाली हळूच खळी
लाजून जाई बावळी
जणू नाजूक कळी

भ्रमर हा दिवाणा
फिरतसे राना वना
का गातसे गाना
जवळी येण्याचा बहाणा

भ्रमर हा स्वछंद
फुल होई बेधुंद
घेऊन हळूच मकरंद
होतसे मग आनंद