खेळ झाला जीवनाचा
सुख दुःख सरले सारे ।
होऊनिया चन्द्र आता
बघत असतो फक्त तारे ।
उजेडाची वाटते भीती
काळोखात घेतो फेरे ।
दूरदूर ती असते शांती
करतो एकांत मज इशारे ।
Sanjay R.
Saturday, April 30, 2022
करतो एकांत मज इशारे
Friday, April 29, 2022
आभास
सांग ना मला जरा
तुज आभाळ म्हणू की आकाश ।
दूर जरी असेल तू
सदा वाटे मज तूच माझा प्रकाश ।
चन्द्र सूर्य तारे नकोत
डोळे मिटुनही मज होतो आभास ।
जपल्यात मी आठवणी साऱ्या
भरभरून त्यात जीवनाचा सारांश ।
Sanjay R.
नकोच मला तो एकांत
कुठला कशाचा एकांत
वाटतो मला तो अंत ।
असंख्य विचार येती जाती
मन कुठे असते हो निवांत ।
नको नको ते मग सुचते
वाटते माझी मलाच खंत ।
माणसांच्या घोळक्यात बरा
नाहीच व्हायचे मला संत ।
मित्र मैत्रिणी हवेत सारे
नकोच हो मला तो एकांत ।
Sanjay R.
Thursday, April 28, 2022
मनात उद्याची आशा
मनात उद्याची आशा
घालवू कशी निराशा ।
वाट दूर ही जाते कुठे
कळेना कुठलीच दिशा ।
स्वप्न जेव्हा मी बघतो
असते वेगळीच नशा ।
वास्तवात कळती मज
मिटलेल्या पुसट रेषा ।
का चाले वणवण सारी
सरेल कधी मनाची तृषा ।
भोग भोगतो मी जन्माचे
लुप्त होईल सारी आशा ।
Sanjay R.
Wednesday, April 27, 2022
विठ्ठला
हात गुंतले कामात
मुख हे हरी नामात ।
डोळे शोधती विठ्ठल
आस दर्शनाची मनात ।
दूर इतका तू पंढरी
जावे वाटे मज क्षणात ।
धारूनिया पाय तुझे रे
अर्पावी आसवे चरणात ।
आठवण येण्यास सदा
ठेव मजसी तू दुःखात ।
Sanjay R.
Tuesday, April 26, 2022
मनाचा संघर्ष
विचारांचा गुंता सारा
नजरेत होता आदर्श ।
तयारच नव्हते मन
अंतरात चालला संघर्ष ।
सुख बघितले कुणाचे
झळकला मुखावर हर्ष ।
दुःखाच्या वाटे वरती
जाणवेना कुठला स्पर्श ।
थिजली नजर डोळ्यात
काळोखात कुठे दर्श ।
जगतो जीवन कसा मी
लोटतो एक पुढे वर्ष ।
Sanjay R.
शहर कुठले माझे
पोटासाठी फिरतो वणवण
शहर कुठले हो माझे ।
गरिबांचा संसार असाच
वाहतो जगण्यासाठी ओझे ।
वर बघतो आकाशात
वाटते किती ते खुजे ।
दिवसही मोजत नाही
घडतात आपोआप रोजे ।
Sanjay R.
Wednesday, April 20, 2022
Saturday, April 9, 2022
Wednesday, April 6, 2022
अभिमान
तुज कशाचा रे अभिमान
खोटाच करवितो तू मान ।
करी ना कोणीच सम्मान
स्वतःच मारितो तू शान ।
मूर्ख तुझेच रे हे ध्यान
की आमुचेच आहे अज्ञान ।
कोण कुठला तू महान
वाटे बुद्धी आमुची लहान ।
बदल रे तू तुझे हे निशान
होऊ नकोस तू बेभान ।
कळते झालेत सारेची
झुकवतील तुझीही मान ।
Sanjay R.
Tuesday, April 5, 2022
रोबोट
माणूसच झाला रोबोट
नुसता असतो पळत ।
पैश्या शिवाय सुचते काय
जीवन हेच नाही कळत ।
विचारांचे ओझे डोक्यावर
मनही त्याचे नाही ढळत ।
आतल्या आत धगधग
जीवही असतो जळत ।
Sanjay R.
Subscribe to:
Posts (Atom)