Wednesday, June 30, 2021
" करू नकोस वाद "
" वळून नको बघुस "
Tuesday, June 29, 2021
" वादळ "
वाटा जरी ओळखीच्या
येते कधीही वादळ
वाऱ्यासोबत होते मग
माणसांची पळापळ ।
उडवून नेतो सारेच
माजते नुसती खळबळ ।
होतो वारा शांत आणि
उरते फक्त हळहळ ।
Sanjay R.
" आला पाऊस आला "
अष्टाक्षरी
" ओला सुगंध मातीचा "
गेले आभाळ झाकुनी
भासे प्रहर रातीचा ।
वाहे वादळी वारा तो
जसा निधड्या छातीचा ।
कुठे पडली वीज ती
झाला प्रकाश वातीचा ।
सरी सूटल्या नभात
भिजे देह धरतीचा ।
धरा झाली ओली चिंब
पडे पाऊस प्रीतीचा ।
नाही फुलला मोगरा
ओला सुगंध मातीचा ।
बळी राजा सुखावला
आहे तोच हिमतीचा ।
साथ नको सोडू आता
भार झेलतो शेतीचा ।
स्वप्न बघतो डोळ्यात
शेतकरी तो जातीचा ।
सज्ज तो जाहला द्याया
नारा हरित क्रांतीचा ।
Sanjay R.
Monday, June 28, 2021
" कुठे उरेल क्षण "
Sunday, June 27, 2021
" ओला गंध मातीचा "
वर्णू किती मी माझ्या देशा
ओला गधं या मातीचा.....
झेललेत वार किती तू
गर्व मज निधड्या छातीचा...
किती किती मी नावे घेऊ
देश अमुचा गांधींचा .......
थोर इथले संत महात्मे
संदेश दिला तो शांतीचा....
राम असो वा कृष्ण असो
गर्व आम्हा मानव जातीचा...
जगतो मरतो कष्ट करुनी
सम्मान आम्हा बळी राजाचा...
विश्वास नाही अजून सरला
करतो आदर जीवनाचा....
नमन करतो या भूमातेला
जयजयकार या देशाचा....
Sanjay R.
" प्रीतीच्या वाटेवर "
Saturday, June 26, 2021
" वाट मी पाहतो "
" नको वाटते ही शांतता "
" खेळ हा लपाछपीचा "
कसा खेळ हा लपाछपीचा
होते चुकामुक दोष कुणाचा ।
विलंब होतो थोड्या क्षणाचा
छळ होतो निर्दोश मनाचा ।
हवा घडीभर वेळ सुखाचा ।
नको लवलेश त्यात दुःखाचा ।
जीवनात ऊन पाऊस कधी वारा
आसरा मज आहे सावलीचा ।
Sanjay R.
Friday, June 25, 2021
" भावनांचा खेळ सारा "
Thursday, June 24, 2021
" कसली ही लढाई "
अस्त्र नको, शस्त्र नको
कशी ही लढाई ।
पैशाच्या बळावर
मारायची नुसती बढाई ।
निर्बल बघून सारे
करतात मग चढाई ।
निरपराधी जातात बळी
म्हणे कोण कुणाचा भाई ।
नाव किती गाव किती
वाळत नाही शाई ।
खबरे मागून खबर येते
जातो जीव त्राही ।
विचारांना थारा कुठे
सारे उचलतात बाही ।
रक्त गळते डोळ्यावाटे
पुसायला कोणी नाही ।
मनातच उठतात ज्वाला
होते लाही लाही ।
दूर निपचित पडले प्रेत
बघते दिशा दाही ।
हरलो जिंकलो वाद कुठला
मी जगतो शाही ।
सांगू नका वरचढ कोण
कोण कुणाला पाही ।
Sanjay R.
" ऋणानुबंध "
Wednesday, June 23, 2021
" कसे ऋण फेडावे "
Tuesday, June 22, 2021
" कळलेच नाही मला "
Monday, June 21, 2021
" किती करायचे सहन "
Sunday, June 20, 2021
" बाबा "
बाबा म्हटलं की
आठवतो त्यांचा मार ।
शब्द होतात शांत
आणि शरीर होते गार ।
जीवनात बाबा म्हणजे
आयुष्याचा तेच सार ।
असतो पाठीवर हात
मग कुठे कशाची हार ।
बोलणे कडक किती
शब्दांना त्यांच्या धार ।
सोबत असता त्यांची
काहीच वाटेना भार ।
झेलतील स्वतः सारे
प्रपंचातले प्रहार ।
करतो अनुकरण मी
जे होते त्यांचे विचार ।
बापाचाच असतो बघा
पगडा लेकरवर फार ।
हिरो असती बाबाच
नसे कशाची तक्रार ।
नाते बाप नि लेकाचे
वाटे बाकी सारे बेकार ।
लेकराची स्वप्न सारी
करतो बापच साकार ।
म्हातारपणी साथ लागे
देऊ नका तूम्ही नकार ।
Sanjay R.
" येशील ना तुही स्वप्नात माझ्या "
Saturday, June 19, 2021
वडील म्हणजे आधार
" वडील एक आधार "
वडील तर कुटुंबाचा आधार
उचलतात तेच सारा भार ।
हवे नको ते सारे बघतील
मनात नेहमी घरचा विचार ।
सुख असो वा दुःख कुणाचे
मुकपणाने झेलतील वार ।
प्रसंग येता कठीण कधी तो
होतील मग ते कठोर फार ।
रक्ताचेही ते पाणी करतील
मानणार नाही कधीच हार ।
खंबीर मन नी कडक आचार
प्रेमही त्यांचे असते अपार ।
घरात वडिलांची किंमत फार
नका करू हो त्यांना लाचार ।
Sanjay R.
खूप झाले आता कंटाळा आला
खूप झाले आता
कंटाळा आला ।
सरत आले सारे
वेळही झाला ।
रोज तीच सकाळ
दिवसभर चाला ।
शांती साठी रात्री
लावा चाबी ताला ।
स्वप्नही देती त्रास
जिवनाचाच काला ।
संपू दे आता सारं
होईल मी तारा ।
Sanjay R.
Friday, June 18, 2021
" कुणाला काय सांगायचं "
Thursday, June 17, 2021
" आठवणी "
Tuesday, June 15, 2021
" सांग जरा मला "
Monday, June 14, 2021
" स्वप्नांची एक दुनिया "
Sunday, June 13, 2021
" मनातलं ओळखतो मी "
Saturday, June 12, 2021
" डोळ्यात माझ्या भाव नवे "
Friday, June 11, 2021
" जीव गुंतला तुझ्यात "
Thursday, June 10, 2021
" आकाशात आले ढग "
आकाशात आले ढग
सूर्य शोधतो आडोसा ।
ताप झाला कसा शांत
पाऊस रडतो ढसाढसा ।
आसवे गळती सुखाची
बीज घेई अंकुराचा वसा ।
रोपटे येईल मग फुलून
बघून हिरवळ थोडे हसा ।
फुटेल पालवी मनाला
खूप आनंदी सारे दिसा ।
Sanjay R.