Friday, January 28, 2022
नाते
Thursday, January 27, 2022
लुकलुकता एक तारा
Sunday, January 23, 2022
दीप
Saturday, January 22, 2022
माझे प्रकाशित साहित्य
Thursday, January 20, 2022
प्यार
माँ कैसे भूल जाऊ
मेरे लिये तेरा प्यार ।
मै तो हु बहेता पानी
और तू नदी की धार ।
सुके ना कभी
ना रुके तू कभी ।
बस सोचती हो लगे
नैय्या मेरी पार ।
माँ कैसे भूल जाऊ
मेरे लिये तेरा प्यार ।
Sanjay R.
Wednesday, January 19, 2022
मनातली व्यथा आणी स्वप्नातली गाथा
Wednesday, January 12, 2022
करणार किती छळ
सांग करणार किती छळ
मिळेल त्यातून मज बळ ।
विसरलो मी दुःख सारेच
करू मी कशास हळहळ ।
झाले मनही आता खंबीर
नाही पडणार कुठे वळ ।
बघणार नाही वळून मागे
विचार आहेत आता अढळ ।
Sanjay R.
भविष्य
Saturday, January 8, 2022
माणूस
Thursday, January 6, 2022
उपेक्षा
ओझे उपेक्षांचे पाठीवर
करतात घाव मनावर ।
अंतरात या जखमा किती
ओघळती आसवे गालावर ।
एकटाच मी भोगतो सारे
मिळेना उपाय जगण्यावर ।
बघतात का दुरूनच सारे
टाकतो नेऊन हसण्यावर ।
दुःखाला असे कोण सोबती
मग होतो सुखाचा वाटेकरी ।
Sanjay R.
दिसते कुठे काही
बोलू नकोस काही
मज अपेक्षाही नाही ।
अक्षरात शोधतो मी
दिसते कुठे काही ।
भाव तोच मनात
डोळे वाट पाही ।
मन झाले अधीर
शोधतो दिशा दाही ।
पुरे एक इशारा
त्यातच सर्व काही ।
करू नकोस वेळ
अंतराची होते लाही ।
Sanjay R.
वाहरे वा कोरोना
वाह रे वा कोरोना
तू आलास का परत ।
करमत नसेल ना तुला
माणसं का नाही मरत ।
कितिकांना घेऊन गेलास
पाणी डोळ्यात तू भरत ।
तरी दोन वेळा घेतली लस
पण कारे तूच नाही मरत ।
आप्त गेले पैसा गेला
अजूनही आहेत ते रडत ।
जगण्यासाठी बघ कसे ते
आहोत रे आम्ही लढत ।
मास्क लावला हातही धुतले
स्यानिटायझर आहोत मळत ।
कोणी म्हटलं येतो घरी तर
नको येऊस उत्तर देतो पळत ।
शाळा बुडली नोकरी गेली
संसार किती आहेत जळत ।
सोडणारे भाऊ पाठ आता
हे तुलाच कारे नाही कळत ।
सरकारचे तर नियम भारी
तरीही सारेच आहेत पाळत ।
चिंता लागली साऱ्यांनाच
असतो एकमेकास टाळत ।
देऊ नकोस रे दुःख आता
बसणार किती तू छळत ।
मनात या भीती किती
विचारही नाहीत ढळत ।
Sanjay R.
Wednesday, January 5, 2022
श्रद्धांजली
गंगा तू गं यमुनाही तू
सिंधू तूच सरस्वती ।
आई तू आणी माई तू
मायेचा तू सागर होती ।
कोण कुठले अनाथ सारे
साऱ्यांशी तू जोडली नाती ।
करून पोरके गेलीस तू
आठवणी उरल्या आता हाती ।
Sanjay R.
Tuesday, January 4, 2022
नवी सुरुवात
नव्या कल्पना नवी सुरुवात
वाटे जणू झाली प्रभात ।
मनासारखे घडते जेव्हा
पटापट चाले कसा हात ।
कुठे काही न पडे कमी
उत्साह असे भरभरून मनात ।
Sanjay R.
शुभेच्छा
नववर्षाचा दिवस उजाडला
झाली आनंदाची बरसात ।
नाते करू या दृढ आता
मित्रांपासून करू सुरुवात ।
काळजी घेऊन आरोग्याची
करू दुःखावरती मात ।
क्षणोक्षणी या जीवनात
आपल्यांचीच मिळेल साथ ।
Sanjay R.
नववर्षाचा संकल्प
करू काय मी संकल्प
नाही आयुष्याचा भरोसा ।
जाणार आता जुने वर्ष
नवीन वर्षात नवीन वसा ।
मागचे वर्ष ठेऊन गेले
न मिटणारा आपला ठसा ।
कोरोनाने केले विस्कळीत
चिंतेचा तो दिवस कसा ।
होईल आता सुरळीत सारे
छानच होईल आनंदी असा ।
Sanjay R.
झाले गेले सोडू कसे
झाले गेले मी सोडू कसे
आठवणींना काढू कसे ।
डोळ्यात आसवांचा पूर
रुकेचना मी थांबवू कसे ।
मन माझे हे अधीर किती
आघात किती सोसू कसे ।
तुझ्या शब्दांचा हवा सहारा
तुझ्याविना मी राहू कसे ।
Sanjay R.
आसवांची कहाणी
Saturday, January 1, 2022
वाट पाहे राधा
वाट पाहे राधा
वृन्दावनात ।
आहे कुठे कृष्ण
बघा द्वारकेत ।
करी राधा ध्यास
मन मोहनात ।
दिसेना कन्हा कुठे
डोळ्यात बरसात ।
नटली किती राधा
सख्यासाठी खास ।
सख्यविना कशी
होईल रास ।
डोळ्यात आस
सदा होतो भास ।
येनारे तू कान्हा
थांबतील श्वास ।
Sanjay R.