Tuesday, June 30, 2020

" गावाकडची जत्रा "

महाशिवरात्रीला दरवर्षी
भरते गावात जत्रा ।
गावोगावचे लोक येतात
गर्दीची असते यात्रा ।

महादेवाचे भक्त सारे
दर्शनाला रांगच रांग ।
मनोभावे टेकून माथा
धन्य होतात शिवांग ।

सर्कस आणि सिनेमा
सोबत असतो तमाशा ।
दुकानांन वर झुंबड गर्दी
कळत नाही कुठली दिशा ।

स्त्रियांना हवे बांगड्या तोंडे
माणूस बघतो आपले जोडे ।

चिंटू मींटी ला खेळणी हवी
विसरतात सारे रोजचे गाडे ।
Sanjay R.


Monday, June 29, 2020

" कधी जाईल मी शाळेत "

स्पर्धेसाठी
बाल कविता
"कधी जाईल मी शाळेत "

सांग ना ग आई मला
कधी जाईल मी शाळेत ।

अभ्यास नाही खेळ नाही
राहू किती आता घरात ।

वाट बघताहेत मित्र सारे
मनच लागत नाही कशात ।

गुरुजी पण विसरले का ग
येईल केव्हा त्यांच्या ध्यानात ।

नको वाटतं सारंच आता
थकलो किती मी घरात ।

गप्पा गोष्टी मस्ती दंगा
सांग ठेवायचं किती मनात ।

ऑनलाइन ऑनलाइन
काय कसं ग ते शिकणं ।

शाळा किती ग छान असते
तेच हवं मला परत जगणं ।
Sanjay Ronghe


Saturday, June 27, 2020

" दिवसानंतर येते रात्र "

सरते जिथे रात्र जेव्हा
आणि होते प्रभात ।
सूर्याच्या साक्षीने होते
दिवसाची सुरुवात ।

पूर्वे पासून पश्चिमेला
चाले सूर्याचे भ्रमण ।
होताच सायंकाळ
होई अंधाराचे आक्रमण ।

अस्त होताच सूर्याचा
येई साम्राज्य अंधाराचे ।
व्यापून जाई आकाश सारे
विश्व चंद्र आणि ताऱ्यांचे ।

कुठे लखलख कुठे चमचम
रातकिड्यांचे चाले आवाज ।
मधेच दिसतो दूर काजवा
सकाळ होता सरतो साज ।
Sanjay R.



Wednesday, June 24, 2020

" भुताशी गप्पा "

करू चला आज
भुताशी गप्पा  ।
थरारक अनुभव
आयुष्यातील टप्पा ।

लहानपणी वाचल्या
बऱ्याच भुताच्या कथा ।
मनात घर केलंय त्यांनी
सांगू कशी व्यथा ।

त्यांची यायची रात्री स्वप्न 
दरदरून फुटायचा घाम ।
एकटा असलो की मग
झोपेतच ओरडायचो जाम ।

आईच्या कुशीत झोपायचो
व्हायची भीती कमी ।
भीती नाही कुणास आता
भुतालाच घाबरवतो आम्ही ।

भूत म्हणजे नुसती आहे
भीतीची एक आकृती ।
भूत काढा हे मनातलं
भ्रमाची आहे ती विकृती ।
Sanjay R.


Tuesday, June 23, 2020

" रहस्य मनाचे "

मन माणसाचं म्हणजे
आहे एक रहस्य ।
कधी रागाचा थरथराट
तर कधी सुहास्य ।

कधी चाले संथ निरंतर
एक एक श्वास ।
कधी विचारांचा कल्लोळ
त्यात नुसते आभास ।

सुख आणि शांती करी
सदा मनात वास ।
कधी लोभ आणि मोह
त्यांचाच चाले ध्यास ।

अधीर कधी अस्थिर 
अंतरातले विचार ।
कधी लागे ध्यान कुठे
भासे सारे निराकार ।
Sanjay R.


Monday, June 22, 2020

" निळ्या आकाशाचे देणे "

निळ्या आकाशाचे गाणे
भरून आभाळाचे येणे ।

रिमझिम पावसाचे देणे
भरून पाटाचे वाहणे ।

शेतात मग होई लगबग
पेरायचे दोन दोन दाणे ।

फुटे अंकुर दाण्याला
त्यात उत्साहाचे जिणे ।

चक्र हेच या जीवनाचे
गाऊ आयुष्याचे गाणे । 
Sanjay Ronghe

" रीत प्रेमाची "

प्रेम कुठे अबोल असते
खूप काही ते बोलून जाते

हृदयाशी हृदय जोडून जाते
हितगुज मनाशी करून जाते

दोन मनं मिळतील जेव्हा
बंध आपसात जोडून जाते

एक दुसऱ्यात नसेल जरी नाते
प्रेमच प्रेमाला मिठीत घेते

जगावेगळी रीत ही प्रेमाची
अंतरात कशी फुलून जाते
Sanjay R.



Sunday, June 21, 2020

" बाप "

बाप नाव घेताच 
सुटतो थरकाप.....

भरकटलेलं मुल
होतं सरळ आपोआप...

मनात मात्र प्रेम आणि
करतो सुखाचा जाप....

उचलतो कष्टाचा डोंगर
लागली जरी धाप.....

घराचा आधार तोच
झुकते मस्तक आपोआप...
Sanjay R.

योग दिनाच्या शुभेच्छा

कराल जर योग
शिवणार नाही रोग
दुःख नाही भोग
करून बघा योग
Sanjay R.

Friday, June 19, 2020

" संपणार नाही प्रवास "

जीवन माणसाचे
आहे हा प्रवास ।
मनात उठती तयात
किती किती ते ध्यास ।

पळापळी चाले सारी
असती सारे प्रयास ।
हाप लागते धाप लागते
येतो फुलून श्वास ।

वाटे अर्धवट सारे
लागेल कसा कयास ।
दूर दिसती आपुले
निव्वळ सारेच आभास ।

सारे भुकेने व्याकुळ
सुटतो मुखतला घास ।
किती हा लोभ मनाला
नाही संपत हव्यास ।
Sanjay R.

Thursday, June 18, 2020

" राजकुमार "

सदा चाले डोक्यात 
विचारांवरती विचार ।
येयील एक राजकुमार 
होऊन घोड्यावरती स्वार
जाईल घेऊन दूर देशी
जन्माचा तो जोडीदार ।
करील जो प्रेम अपार 
देई आयुष्याला आधार ।
काय स्वप्नांचा तो सार
आनंदी मनाचा विचार ।
प्रत्येकीच्या मनातले
व्हावे स्वप्न हे साकार ।
Sanjay R.

Wednesday, June 17, 2020

" जप चाले मनी "


देवा का रे हा असा
तुझ्या माझ्यात दुरावा ।
भक्तीला तुझ्या का
हवा रे तुज पुरावा ।

नित्य करिती भक्त
भक्ती तुझीच देवा ।
नाही कुठली अपेक्षा
हवा भक्तीचा ठेवा ।

चरणी तुझ्या असू दे
भाव भक्तीचा माझ्या ।
दर्शनाची मनात आशा
येईल पंढरीत तुझ्या ।

दुमदुमू  दे परत पंढरी
भक्त भुकेला तुझा हरी ।
नामस्मरण तुझेच चाले
डोळे तुझ्या वाटेवरी ।

घोष विठ्ठलाचा कानी
निघे ओठातून ध्वनी ।
जय हरी विठ्ठल विठ्ठल 
जप अखंड चाले मनी ।
Sanjay R.


Tuesday, June 16, 2020

" बंधन हे प्रेमाचे "

बंधन प्रेमाचे वाटे 
मज हवे हवे ।
मनात फुलती मग
आनंदाचे थवे ।

मनात तू स्वप्नात तू
विचार तुझाच चाले ।
एकांतात मी जेव्हा
शब्द तुझ्याशीच बोले ।

आठवणींचा तो सागर
मन लाटांवर झुले ।
गगनात येते फिरून
निळे आकाश खुले ।

नजरानजर होई जेव्हा
मन आनंदाने डुले ।
दरवळ सुगन्धचा देई
मनी मोगऱ्याची फुले ।
Sanjay R.

Monday, June 15, 2020

" मोबाईलवर चाले गप्पा "

हातात आले मोबाईल
हा जीवनाचा टप्पा 
रंगताहेत आता खूप
त्यावरच गप्पा ।

पूर्वी मन मोकळं करायला
नव्हता कुठला पर्याय ।
समोरा समोर भेट व्हायची
सहजच वळायचे पाय ।

दिवस महिने वर्ष आता
कळतच नाही किती गेले ।
मोबाईलवरच होते भेट
सारे व्हर्चुअल आता झाले ।

जीवन झाले किती व्यस्त
आता वेळच नाही पुरत ।
मोबाईल वर करायच्या गप्पा
बसायचं कशाला झुरत ।
Sanjay R.



Sunday, June 14, 2020

" मन हे बावरे "

मन हे माझे बावरे
किती आहे आस रे ।
वाटे त्यास कधी
 थोडा तू धाव रे ।
नको थांबुस मधे
पुढे पुढे तू चाल रे ।
होता हर्ष थोडा
खूप तू नाच रे ।
आयुष्य हे तर आहे
सुख दुःखाचे  घर ।
जग सुखात
दुःख दूर सार रे ।
Sanjay R.

Saturday, June 13, 2020

" वाट बघतो मी "

वाट बघतो मी
येना ग सखे तू 
छान पाऊस होऊन ।
अजूनही वाटतं
खूप खूप भिजावं 
सोबत तुला घेऊन ।
आजूनही आठवतो
तू आणि मी कसं 
घेतलं होतं न्हाऊन ।
मनातलं तुझ्या माझ्या
करू ते सारं सारं
जे गेलं होतं राहून ।
Sanjay R.

Friday, June 12, 2020

" शब्द दोन प्रेमाचे "

शब्द दोन प्रेमाचे
सांगू किती गुणाचे ।
घर मनात करती
नाते जिवाभावाचे ।

शब्दाशब्दात अंतर किती
दोनच शब्द करती क्षती ।
दोनच शब्द अंतरात
उजळी भावनांच्या वाती ।


शब्द गोड मधुर किती
त्यात शर्करेचे गोडावा ।
तोडती जे हृदयाचे बंध
हात तयासी जोडावा ।

भेद शब्दाशब्दात कसा
हवा मायेचा ओलावा ।
शब्दवाचून जे सार्थ होते
तो शब्दची तेथे टाळावा ।
Sanjay R.


Thursday, June 11, 2020

" गेल्या पडून सरी चार अंगणात "

गेल्या पडून सरी चार
अंगणात ।
गंध मातीचा पसरला
रोमारोमात ।
रातराणीने मिसळला
सुगंध तयात ।
दूड दुड धावती ढग
गगनात ।
सुर्याविनाच झाली आज
प्रभात ।
झुळ झुळ वाहे वारा गार
दस दिशात ।
गेला सांगून आज पाऊस
शिरला मनात ।
नवजीवन फुलेल आता
धरेच्या विश्वात ।
दिसती सारे रंग जीवनाचे
नव्या उत्साहात ।
Sanjay R.


" पहिला पाऊस "

आला आला पहिला पाऊस
भिजायचे होते भागली हाऊस ।

निळे आकाश झाले काळे
ढगांच्या मागे ढग ही पळे ।

सोबत होता गार वारा
हलती झाडे रिमझिम धारा ।

निसर्गाची ही लीला न्यारी
फुलले जीवन दिशा चारी  ।
Sanjay R.


Wednesday, June 10, 2020

" साथ जन्माची "

जन्माला साथ मृत्यूची
आस मात्र जगण्याची ।

दिवसागणिक जाते आयुष्य
त्यातच काही करण्याची ।

श्वासा मागे श्वास चालती
चिंता कुठे ते थांबण्याची ।

दिवसापाठी येते रात्र
घाई सूर्याला उगवण्याची ।

दिवसभर मग चाले धडपड
करून काही उरण्याची ।

रोज असतो तसाच दिवस
इच्छा रात्र काळी टाळण्याची ।

अंत हे तर सत्य आहे
कहाणी होते जन्माची ।
Sanjay R.


Tuesday, June 9, 2020

" कुंकवाचा टिळा "

कुंकवाचा कपाळावर
छोटीसा टिळा ।
भासे जणू काही तो
त्रिनेत्राचा डोळा  ।
सौभाग्याचं लेणं त्यात
पतिव्रतेच्या ज्वाळा ।
बंधनांच वलय त्याला
प्रेमाचा ही लळा ।
रक्ताची लाली त्यात
शांतीची ही झळा ।
अनुसूयेची शक्ती आणि
भासे भक्तीचा मळा ।
Sanjay R.

Monday, June 8, 2020

" नको बघू वाट "

नको बघू वाट
तो येणारच आहे ।
सरेल जेव्हा आयुष्य
तो नेणारच आहे ।

आज आहे तुझ्याकडे
काळजी कशाला करतोस  ।
जगून घे रे मनसोक्त
उद्या सारेच जाणार आहेत ।

मन  तर असतेच हळवं 
हो ना जरासा खम्बीर ।
दूर कर विचारांच जाळं
होतोस कशाला तू गंभीर ।

बघ जरा तू हंस जरा 
इतरांनाही हसव जरा ।
कधी सुख तर कधी दुःख
हा तर जीवनाचा फेरा ।
Sanjay R.


Sunday, June 7, 2020

" रोटी कपडा आणि मकान "

आशा आणि आकांक्षा
मनात किती हे अरमान ।
जगायला तर हवे फक्त
रोटी कपडा आणि मकान ।

शिकून सवरून सकल
केले अर्जित समस्त ज्ञान ।
धावतो मागे पैश्याच्या 
वाटे त्यातच मोठी शान ।

पैसा पैसा लोभ किती
मोह माया मत्सर सोबती ।
लावले सर्वस्व पणाला
घेतली करून स्वतःची गती ।
Sanjay R.

Friday, June 5, 2020

" कशी ही माणसे "


ज्ञानाचे धनी म्हणता
कशी ही माणसे
निर्बुद्ध झालेत आता
सारीच ही माणसे ।
संस्कारच नाही उरले
झाली कशी माणसे ।
माणुसकीच विसरले
आता ही माणसे ।
निष्ठुर झाली किती 
आता ही माणसे ।
चटक लागली रक्ताची
राहिलीच कुठे माणसे ।
माणसालाच खातील
जनावर झाली माणसे ।
Sanjay R.


Thursday, June 4, 2020

" यादे "

हो आदत या नशा
कैसे जीए तुम्हारे बिना
कभी तुम जाना ना दूर
लागता हमे सुना सुना

चाहते तो हम भी यही
जाना ना तुम कही 
दिलमे देखो झाककर
अब भी तुम हो वही

पर छूट ना पाये हम
और ना यादे हुवी कम
दिलमे अरमान वही
चाहत वही तुम और हम
Sanjay R.

" का विसरलो आई मी तुला "

मी आईचा तानुला
काळजी कशाची मला ।
वढविले गर्भात तिने
आज नाही जागा तिला ।

कण कण भरविला
लहानाचा मोठा केला ।
तळहाताच्या फोडाहून
मज काळजीने घडविला ।

राहून अर्धपोटी तिने
लाड माझा पुरवला ।
रात्र रात्र जागून तिने
कसा सांभाळ केला ।

उशीर थोडाही होता
नजर असे वाटेवर ।
दुःख स्वतःचे विसरून
अर्पिले जीवन माझ्यावर ।

कसा विसरलो  मी
आले तिला म्हातारपण ।
दिले सोडून बेवारस
विसरलो तिचे समर्पण ।

वेळ येईल जेव्हा माझ्यावर
करू आशा मी कुणावर ।
कर्म माझेच असेल तेव्हा
जे कोपेल माझ्यावर ।
Sanjay R.


Wednesday, June 3, 2020

" झोप सुखाची "

उडून गेली दूर कुठे
झोप ही सुखाची ।
मिटून मी डोळे बघतो
वाट सांगू कुणाची ।

मन येते फिरून सारे
आकाशात जितके तारे ।
दूर उडवून घेऊन जाते
उरात वादळ आणि वारे ।

स्वप्नांची तर वाट लागली
दिवसालाही काळोख वाटे ।
दिवस रात्र तर एकच जणू
आभास होता, टोचती काटे ।
Sanjay R.

Tuesday, June 2, 2020

" कसला हा अहंकार "

अरे अरे माणसा 
आहे तुझा धिक्कार
बाळगतोस तू कशाला 
हा असला अहंकार 

कसला रे तू माणूस
डोक्यावर कसला भार ।
विसरलास तू माणुसकी
जडला स्वार्थाचा आजार ।

बदलली वृत्ती तुझी
उरला कुठे विचार ।
हिंसेचे वेड खुळे
तोच तूझा आचार ।

तुझ्यापाई बघ इथे
जीव झाला बेजार ।
उत्सव विजयाचा कसा
आहे ही तुझी हार ।

मित्र नव्हे तू शत्रू झाला
काय जीवनाचा सार ।
जगणे मरणे एक झाले
उरला कुठे आधार ।
Sanjay R.

Monday, June 1, 2020

" खेळ भातुकलीचा "

लहान असेल मी
तेव्हाची ही वेळ ।
गम्मत जम्मत चाले
भातुकलीचा खेळ ।

त्यातला मी राजा
आणि ती राणी ।
सांगायची रोज
एक नवीन कहाणी ।

खूप मजा यायची 
धमाल ही व्हायची ।
रागाऊन मग ती
निघून जायची ।

भातुकलीचा खेळ
अजूनही चालतो ।
राग आला तरी
तासाभरात बोलतो ।
Sanjay R.