मी आईचा तानुला
काळजी कशाची मला ।
वढविले गर्भात तिने
आज नाही जागा तिला ।
कण कण भरविला
लहानाचा मोठा केला ।
तळहाताच्या फोडाहून
मज काळजीने घडविला ।
राहून अर्धपोटी तिने
लाड माझा पुरवला ।
रात्र रात्र जागून तिने
कसा सांभाळ केला ।
उशीर थोडाही होता
नजर असे वाटेवर ।
दुःख स्वतःचे विसरून
अर्पिले जीवन माझ्यावर ।
कसा विसरलो मी
आले तिला म्हातारपण ।
दिले सोडून बेवारस
विसरलो तिचे समर्पण ।
वेळ येईल जेव्हा माझ्यावर
करू आशा मी कुणावर ।
कर्म माझेच असेल तेव्हा
जे कोपेल माझ्यावर ।
Sanjay R.
No comments:
Post a Comment