अरे अरे माणसा
आहे तुझा धिक्कार
बाळगतोस तू कशाला
हा असला अहंकार
कसला रे तू माणूस
डोक्यावर कसला भार ।
विसरलास तू माणुसकी
जडला स्वार्थाचा आजार ।
बदलली वृत्ती तुझी
उरला कुठे विचार ।
हिंसेचे वेड खुळे
तोच तूझा आचार ।
तुझ्यापाई बघ इथे
जीव झाला बेजार ।
उत्सव विजयाचा कसा
आहे ही तुझी हार ।
मित्र नव्हे तू शत्रू झाला
काय जीवनाचा सार ।
जगणे मरणे एक झाले
उरला कुठे आधार ।
Sanjay R.
No comments:
Post a Comment