लोभी लबाड

लोभी तू लबाड
खऊनी झाला जाड ।
वाढला रे असा कसा
वाटतो जसा ताड ।

समोर होतो जेव्हा उभा
भासतो मज तू पहाड ।
आवाज किती छोटा
थोडासा तू रे दहाड ।

अप्पू वाटतो तू गेंडा
थरथरते कसे रे झाड ।
वाटते भीती ही मजला
सांग करू कसे मी लाड ।
Sanjay R.

लोभी मन

नकोच मनात लोभ
विचारांचा होतो अंत ।
वाढतो किती हव्यास
उरते कुठे मग खंत ।

मनाचा हा विकार कसा
लोभापायी चुकते वाट ।
आपुलकिशी सरते नाते
जीवनाची तुटते गाठ ।
Sanjay R.

मन

मन मनाला कळेना
अंतरात मन जळेना ।
झेलते मन आघात
वार मनावरचे टळेना ।
Sanjay R.

मन हे असे कसे

काय सांगू तुला
मन हे असे कसे ।
बघून बघ तुला
अस्थिर होते कसे ।
मनात आहे काय
कळेना कुणा कसे ।
शब्दही मनातले
मनातच वसे ।
Sanjay R.

वेडे कसे म्हणू मनास

स्वप्न बघतो मी जेव्हा
होतो तुझाच आभास ।
येताच समोर चेहरा
क्षणभर थांबतात श्वास ।
आठवण जाईना दूर
लागतो एकच ध्यास ।
नजर शोधते नजरेला
वेडे म्हणू कसे मी मनास ।
Sanjay R.

नाही तिथे प्रकाश

वाट ती अज्ञानाची
नाही तिथे प्रकाश ।
गर्द काळा काळोख
माणुसकीचा विनाश ।
ज्ञान हेच विज्ञान
तोडी जुने सारे पाश ।
उजळून निघेल मग
भासेल सुंदर आकाश ।
Sanjay R.

उडवायचे रॉकेट

गळ्यात फुटके लॉकेट
म्हणे उडवायचे रॉकेट ।

दिवस रात्र करायचे वेट
लाचार सारे होत नाही भेट ।

Sanjay R.

तुझी माझी मैत्री

तुझी माझी मैत्री
अनोखी ही किती ।
नसेल नात्यात जशी
तशी आहे ना प्रीती ।

नाही कशाचा स्वार्थ
नाही कुठली निती ।
तरीही जुळली कशी
काळजी पण किती ।

बंध असू दे असाच
फुलवू आपण नाती ।
अखंड असेल प्रीत
तेवेल अशीच ज्योती ।
Sanjay R.

मुंबई लोकल

मुंबईत आमच्या, गर्दी तुफान

तीच तर आहे, लोकलची शान ।

घड्याळीचा काटा, चाले जसा

लोकलनेही घेतला, तोच वसा ।

सारखी धावते, फुरसतच नाही

असू दे ना गर्दी, पण वाटते शाही ।

भेद भाव नाही, गरीब वा श्रीमंत

सगळ्यांना घेते, नाहीच हो अंत ।

संसाराला मदत, जगण्याचा आधार

उचलते तीच, सगळ्यांचाच भार ।

कल्पनाच नको, तिच्या नसण्याची

सारेच थांबेल, प्राणवाहिनी मुंबईची ।

Sanjay R.

भरले डोळे त्यात पाणी

जीवन माझे ऐक कहाणी
भरले डोळे त्यात पाणी  ।
शब्दात होते अर्थ मनाचे
शब्द थांबले वदली वाणी ।

नाही उरले त्राण तनात
उरले सुरले हात हे दोन्ही ।
वाट कुणाची पाहू आता
सारे सरले नाही कोणी ।

वर आकाश खाली धरती
कोण कुठला इथला दाणी ।
नको वाटते जगणे आता
गाऊ कसा मी जीवन गाणी ।
Sanjay R.

तूच तू

कोण कुठे नी कशास तू
कळेना मज पण मनात तू ।
शून्यात कधी बघतो जेव्हा
हरवतो मी आणि स्वप्नात तू ।

शोधते नजर का कुणास
नजरेत असतेस तेव्हाही तू ।
मिळते नजरेस नजर जेव्हा
भासते मला की हसतेस तू ।

ओढ म्हणू की प्रेम मी
सदा असते अंतरात तू ।
सहज लागते उचकी जेव्हा
तेव्हाही असते आठवणीत तू ।
Sanjay R.

गळ्यात लॉकेट

गळ्यात लॉकेट
वाटे जणू पॉकेट ।
लतकन असे गळ्यात
चालला जसा डकैत ।
Sanjay R.

हवा पैसा

करू कुणावर विश्वास
नाही कुणाचा भरोसा ।
स्वर्थीच आहेत इथे
सगळ्यांना हवा पैसा ।

माया ममता प्रेम सरले
पैसा पैसा आहे कैसा ।
झाला माणूस क्रूर किती
जणू माजलेला भैसा ।
Sanjay R.

ठेव थोडा विश्वास

ठेव थोडा विश्वास
असू दे थोडा ध्यास ।
मिरवू नकोस असा
मिटतील सारे आभास ।
येईल असाच कोणी
घेऊन जाईल घास ।
जगेन घे हवे तसे
शेवटी थांबतील श्वास ।
Sanjay R.

अघटीत घडले

बसेना विश्वास कुणाचा
अघटीत सारे घडले ।
विचारा विचारात मग
महत्वाचे काम अडले ।
सांगेना कोणीच काही
कोडे मलाही पडले ।
दिवस रात्र बघत असतो
व्यसन मोबाईलचे जडले ।
Sanjay R.

लग्नानंतरचे प्रेम

नसेल होत व्यक्त
म्हणून
प्रेम कुठे होते कमी ।

प्रपंचाच्या या व्यापात
मात्र
प्रेमाची असतेच हमी ।

लग्नापूर्वी वेळ जाईना
पण
नंतर मात्र वेळ कमी ।
Sanjay R.

शिव शंभू

शिव शंभू तू
सांब सदाशिव ।
थरथर कापे
सारे दानव ।

ठायी तुझ्या रे
अमुचा भाव ।
तुझ्याविना रे
नाही ठाव ।

पिंडी वरती
ठेऊन माता ।
चरणी तुझ्याच
आमुची धाव ।

तू भोळा
तूच निळा ।
महादेव तू
आम्हा पाव ।
Sanjay R.

देवाचा तू देव शंकर

हे जटाधारी महादेव
तिंहीलोकीच्या नाथा
सर्प नंदी आणि त्रिशूळ
त्यात आहे तुझी गाथा ।

करिसी त्रिलोकी तू भ्रमण
श्रीगणेशाचा तू पिता ।
वास्तव्य तुझे कैलासावरी
वसते तिथेच पार्वती माता ।

देवांचा तू देव शंकरा
नमन करितो मी आता ।
निळकंठ तू भस्मधारी
ठेवितो पिंडीवरती माथा ।
Sanjay R.

मिठी

जशी कृष्णा ने
सुदामाला दिली
प्रेमाची एक मिठी ।
मैत्री किती ती दृढ
जगायचे मरायचे
फक्त मैत्री साठी ।
Sanjay R.

गुलाब

फुलतो मोगरा
दरवळतो गंध ।
बघून गुलाब
मन होते धुंद ।
Sanjay R.

चुकता पाऊल

चुकता पाऊल
मार्ग नेयी पुढे ।
परतीची वाट
सापडेना कुठे ।

संकटाशी हात
अपयशाचे पाढे ।
तावून निखारून
अनुभवाचे गाडे ।

धरा सरळ वाट
सोपी जीवनाचे धडे ।
सुख आनंद लाभे
यात्रा तिर्थाची घडे ।
Sanjay R.

जमत नाही

असेल तू तर
तुझे माझे जमत नाही ।
पण तुझ्या विना तर
मज करमत ही नाही ।

जीवनाचे ही आहे असेच
हवे ते जे जवळ नाही ।
जे जे आहे जवळ
त्याची मात्र किंमत नाही ।
Sanjay R.

बंध

जुळेना बंध प्रितीचा
मनाचे मनालाच कळेना ।
नकोच विचार कुठले
विचार विचारांशी जुळेना ।
Sanjay R.

पहिली भेट

बघतो तुज क्षणोक्षणी
तुजसारखे नाही कोणी ।
हसणे तुझे बघणे तुझे
वेड लागले माझ्या मनी ।

आठवते ती पहिली भेट
शब्द सूचेना बंद ओठ ।
बघत राहिलो चेहरा तुझा
सांगून गेले डोळेच गोष्ट ।
Sanjay R.

दंडाचा भेव

साम न्हाई दाम न्हाई
दंडाचा हाये मोठा भेव ।
बसते लहान तोंड कुन
पर आनला बावा चेव ।
Sanjay R.

एक विचार

नेण्या कुठले कार्य सिद्धीस
येतात अडचणी अपार ।
करुनिया मात त्यावर
मिळवायचा आधार ।
साम दाम दंड भेद
उपयोगी सारे विचार ।
सुटेल मग सारे कोडे
वाटेल कसा तो भार ।
Sanjay R.

साम दाम दंड भेद

जीवनाची वाट कठीण
घेऊ कसा मी त्याचा वेध ।
विचारांती ठरवले सारे
करायचे साम दाम दंड भेद ।
Sanjay R.

दिशाहीन वाटा

दिशा हिन या वाटा
पदोपदी टोचतो काटा ।
वेदना साठल्या मनात
सारख्या येतात लाटा ।

अश्रू साठले डोळ्यात
हुंदका थांबून गळ्यात ।
दुःखाला मिळेना वाट
सारे भरून या मनात ।

कोण मी आहे कुठला
प्रवासी या वाटेवरचा ।
अनोळखी झाली वाट
विसरलो पत्ता घरचा ।

ऐकतो गजर रामनामाचा
देह कुणाच्या खांद्यावर ।
जायचे कुठे मज कळेना
सुटले सर्वस्व त्या चितेवर ।
Sanjay R.

अनोळखी इथल्या दिशा

प्रवास जीवनाचा कठीण
अनोळखी इथल्या दिशा ।
भविष्याचा वेध घेण्यास
बघतो हातावरच्या मी रेषा ।
नशिबाचा फेराच उलटा
कळेना मज कुठली दिशा ।
कष्टाचा उपसून डोंगर
मिटल्या साऱ्याच रेषा ।
Sanjay R.

शाळा

मुलांची असते शाळा
सगळे होतात गोळा ।
अभ्यास खेळ दंगा मस्ती
सोबत नियम ही पाळा ।

पाठीवर पुस्तकांचा भार
लहान वयात किती प्रहार ।
होम वर्क चे असते टेन्शन
आईचा थोडासा आधार ।

बालपण नेले हिरावून
नंबर चाच असतो ध्यास ।
नको वाटते मग शाळा
द्यावा सोडून अभ्यास ।
Sanjay R.

आनंद

जुळला प्रितीचा बंध
जिकडे तिकडे सुगंध ।
सुटला वारा अंतरात
मन ही झाले बेधुंद ।
सांगू कुणा मी कसा
माझा मीच आनंद ।
चमचमतो दूर तारा
गालावर हास्य मंद ।
Sanjay R.

ऊन सावलीचा मेळा

आज निळ्या आभाळात

दूर दिसे मेघ काळा ।

सूर्य झाला आडोशाला

ऊन सावलीचा मेळा ।

थेंब चार बरसले

झाड त्याने शहारले ।

माती झाली थोडी ओली

तिचे रूप बहरले ।

पान सुकलेले ओले

फुल हळूहळू डोले ।

दूर पाखरुही बोले

सारे आनंदित झाले ।

Sanjay R.

लागेना मन कशात

लागेना मन कशात
कळेना काय मनात ।

सारख्या शोधतो वाटा
कळेना बोचातो काटा ।

उठे लाटा अंतरात
आस आहे या डोळ्यात ।

थेंब आसवांचे गाली
दुःखाचा कोण वाली ।

गेली अशीच रात
हाती माझाच हात ।
Sanjay R.

जावई नाही हो बरा

जावई नाही हो बरा
हवा होता गोरा ।
चमकतो कसा किती
काळा कोळसा निरा ।

दिवसभर असतो खात
किती जाड त्याचा घेरा ।
ऐकतच नाही बिलकुल
म्हटल बारीक हो जरा ।

डोक्यावर टक्कल आणि
त्याचा भिंगाचा चष्मा ।
मला तर वाटते बापा
तो निसर्गाचाच करिश्मा ।

कसाही असला तरी तो
बोलायला मोठा गोड ।
म्हणतो कसा मला पाहा
किती झालो मी रोड ।
Sanjay R.

आदेश

ओलांडायची मधली रेश
कुणास कुणाचा आदेश ।
कळेना कुणास काही
सोसायचे फक्त क्लेश  ।
नको विचार कशाचा
कोण करेल काय पेश ।
कळले मजला आता
जैसा देश वैसा भेश ....
Sanjay R.

कर्ज झाले हो भारी

कर्ज झाले हो भारी
जप्तीवाले आले दारी ।
घर सामान गेले घेऊन
सांगा आता कोण तारी ।

पोटात पेटते आग जेव्हा
हवी असते ऐक भाकरी ।
नशिबाचा खेळ सारा
देतो कोण इथे चाकरी ।

मोडक्या भिंती वर पाय
गरिबाला कोण विचारी ।
मार्ग जिथे संपले सारे
उरली ऐक अनंताची वारी ।
Sanjay R.

अभिव्यक्ती

घटनेने दिले अधिकार आम्हा
आहे विचारांची अभिव्यक्ती ।
मिळून सारेच वसतो इथे
तीच तर आहे आमची शक्ती ।

दुसऱ्यास देतो कधी त्रास
वाटे तो आधिकार आमचा ।
नका छळू हो इथे कुणास
अधिकार आहे तोही त्याचा ।

व्यक्ती तितक्या इथे प्रवृत्त्ती
मोह मायेने केला विनाश ।
जगणे मरणे त्याच्या हाती
हसवण्याचा हवा थोडा प्रयास ।
Sanjay R.

अधिकाराची नको भाषा

कपटी तुझे रे विचार

बेलगाम तुझे वागणे ।

अधिकाराची नको भाषा

सुधार थोडे जगणे ।

जगा आणि जगू द्या

मंत्र हाच जीवनाचा ।

हेवा दावा मत्सर व्यर्थ

माणुस हवा गुणाचा ।

Sanjay R.

थोडी दारू थोडे पाणी

हवे कुणास काय बघा
थोडी दारू थोडे पाणी ।

दुःख झाले जेव्हा भारी
थोडी दारू थोडे पाणी ।

झाला आनंद मोठा तरी
थोडी दारू थोडे पाणी ।

वेळ जात नाही मग काय
थोडी दारू थोडे पाणी ।

मन लागत नाही कशात
थोडी दारू थोडे पाणी ।

मित्र आले भेटायला तर
थोडी दारू थोडे पाणी ।

मित्र नाही आले आज
थोडी दारू थोडे पाणी ।

काहीच नाही करायला
थोडी दारू थोडे पाणी ।

पैसा संपला द्या ना कोणी
थोडी दारू थोडे पाणी ।

नको वाटते जगणे आता
थोडी दारू थोडे पाणी ।

मरण जरी रुसले तरी
थोडी दारू थोडे पाणी ।

दारू सरली नाही पाणी
पाजा ना हो आहे कोणी ।

नको कोण म्हणतोय इथे
हवीच दारू थोडे पाणी ।

परिवार गेला सारे संपले
दारू दारू आणि पाणी ।

जगता जगता मेला कसा
होती दारू थोडे पाणी ।

दारू दारू फक्त दारू
सुधारला का सांगा कोणी ।
Sanjay R.

आहे कुणी मनात

येते मज आठवण
आहे कुणी मनात ।
नकळे मज काही
काय तिच्या मनात ।

बघतो मी जेव्हा
सदा असते हसत ।
बघताच आले नाही
असते केव्हा रुसत ।

नजरेला मिळता नजर
असते चमक डोळ्यात ।
बोलतात डोळे काही
ती सांगेल का शब्दात ।

डोळे माझेही वाटेवर
ते सारेच जाणतात ।
ओठांना संदेश माझा
ऐकायचे काय बोलतात ।
Sanjay R.

रंग पंचमी धमाका

रंग मिठाई आणि उत्साह
तालावर नाचायचे लावून गाणी ।
त्यासाठी थोडी एनर्जी हवी
शोधतात मग रंगीत पाणी ।

अडखळतात पाय आणि
मग होतात अनवाणी ।
पत्ताच नसतो कशाचा
शौकिनांची हीच कहाणी ।
Sanjay R.

जाऊ नको दूर

जाऊ नको दूर
मनात हुर हूर ।
थांबेना उचकी
जातास तू दूर ।

मिटेना डोळे मग
येतो त्यात पूर ।
दाटतो गळा माझा
लागेना मग सुर ।

स्वप्नही पडेना
तेही किती चतुर ।
परतून ये सखे
मन झाले आतुर ।
Sanjay R.

कविता प्रकाशित

माझे व्यासपीठ मार्च 2023 च्या अंकात माझी कविता प्रकाशित , संपादकांचे आभार 🙏

स्त्री शक्ती

विविध रूपांनी नटलेली
स्त्री ही एकच शक्ती ।
रुपगुणांचा ठेवून मान
चला करुया तिची भक्ती ।

अंबा ती काली ही ती
झाशीची तर राणी ती ।
लढते ती जेव्हा जेव्हा
होते कशी मर्दानी ती ।

आश्रु जरी असेल डोळ्यात
नका समजू तिला अबला ।
शिकून सवरून झाली मोठी
आहे तीच तुमची सबला ।

अर्धांगिनी ती होऊन येते
देते घरपण तुमच्या घरा ।
मान सन्मान तीस द्या जरा
कष्टाची तिच्या कदर करा ।

आई बहीण मुलगी तीच
ठेवी जपून सारी नाती ।
घराचा ती सांभाळ करी
घेऊन संसाराची दोरी हाती ।
Sanjay R.

काय म्हणू या मनाला

काय म्हणू या मनाला
आहे हे हळवे किती ।
असले मनात तर
जुळतात ना नाती ।

मनाचीही आहे व्यथा
तुटले की होते गाथा ।
सुटले की मग मात्र
का ठणकतो माथा ।

मन असते कुठे स्थिर
कधी फिरे भिर भिर ।
थांबत नाहीच कुठे
कधी मग सुटतो धीर ।

आनंदात विहरते कधी
उंच उंच आकाशात ।
दुःख झाले की मात्र
भासते आहे काळोखात ।
Sanjay R.

गजरा

अंगणात आज मझ्या
फुलला कसा मोगरा ।
इवल्या इवल्या फुलांचा
बांधला सुरेख गजरा ।
दरवळला सुगंध दूर
डोईवर दिसे साजरा ।
झाला आनंद किती
चेहरा बघा हसरा ।
Sanjay R.

देई सुगंध मोगरा

माळला केसात गजरा
देई सुगंध मोगरा ।
मिरवते आज आहे
घालून रंगीत घागरा ।
Sanjay R.

एकच त्या शब्दात

एकच त्या शब्दात
सामावले सारे ।
तुझ्या माझ्या प्रेमाचे
चमचमतात तारे ।

हसतेस तू जेव्हा
मन म्हणे वाह रे ।
आठवण येता तुझी
मिळती मज इशारे ।

तू तिथे मी इथे
दुरावा तो नाही रे ।
मनात ज्या भावना
सांगतात त्या सारे ।
Sanjay R.

आली होळी आली

आली आली होळी आली
गालावर दिसे रंगाची लाली ।
बघून चेहरा ओळख पटेना
वाटे जणू आहे तो मवाली ।

पळस हिरवा झाला लाल ।
कसे रंगात रंग  मिळाले
भासे बहुरंगी ती शाल ।

राधा झाली वेडी शोधी
आहे कुठे तो कान्हा ।
रंग उधळून गेला कसा
हवा त्यास ऐक बहाना ।
Sanjay R.

डोळ्यात मी बघतो

डोळ्यात मी बघतो
माझीच मी दुनिया ।
निसर्गाचे सुंदर रूप
देवाचीच ही किमया ।

कुठे उंचच उंच डोंगर
कुठे खोल खोल कपारी ।
झुळझुळ वाहते पाणी
दृश्य ते किती मनोहारी ।
Sanjay R.