अंधार बघतो वाट
होईल कधी पहाट ।
चिव चिव चिमण्यांची
काय पहाटेचा थाट ।
रात्रीचा सरेल काळोख
घडेल सूर्याशी गाठ ।
येईल बहरून मोगरा
भरेल सुगंध काठो काठ ।
निपचित होती पडून
जाईल भरून ही वाट ।
दुर मंदिरातला नाद
नी वारा मोकळा सैराट ।
Sanjay R.
Friday, April 26, 2024
पहाट
Wednesday, April 24, 2024
आल्या रंगात गप्पा
आल्या रंगात गप्पा
दोस्त जिगरी भेटला ।
इलेक्शनचे वारे सारे
रंग पाहून तो पेटला ।
तू तू मी मी झाली खूप
मुद्दा त्यानेही खूप रेटला ।
वादावादात सरले सारे
कोण मी नी तू कुठला ।
नका तोडू हे नाते असे
विचार कधी कुणा पटला ।
विसरून सारे एक व्हारे
मित्रासाठीच गळा दाटला ।
Sanjay R.
Saturday, March 30, 2024
हवी श्वासात
स्वप्नांना लावूनी पंख
चल जाऊ गगनात ।
सूर्य गेला आडोश्याला
थोडे हसू चांदण्यात ।
असू दे रात्र ही काळी
काजवेही चमचमतात ।
दरवळ रात राणीचा नी
पारिजात फुलतो मनात ।
कशी बेधुंद ही हवा
जाते सांगून कानात ।
तुझ्या विना नको काही
हवी तू मज श्वासात ।
Sanjay R.
Thursday, March 14, 2024
विसर सारे
जा विसर आता सारे
नकोच तू आसवे गाळू ।
रामाचे हे वचन नाही
तेही नकोस तू पाळू ।
ह्रदयही हे माझेच
सांग मी कशास जाळू ।
विचारांनी बधीर झाला
उघडा बोडखा हा टाळू ।
मोगरा ही सुकून गेला
कसा तो केसात माळू ।
अंतरात न उरले आता
सांग तुलाच का छळू ।
Sanjay R.
Friday, March 8, 2024
स्त्री जन्म
स्त्री जन्म हा मिळावा पुन्हा
की पूर्व जन्माचा हा गुन्हा ।
काळ लोटला वेळ लोटली
परंपरेचा तो पडदा जुना ।
नव्हती तेव्हाही अबला ती
आहेत अजुनी त्यांच्या खुणा ।
कितीक मर्दानी होऊन गेल्या
इतिहास सांगतो पुन्हा पुन्हा ।
जननी भगिनी सहचारी ती
आहे विश्वाचा मुख्य कणा ।
नमन आम्ही तिलाच करतो
तिच्या विना तर आभास सूना ।
Sanjay R.
Friday, January 19, 2024
खरा आनंद
पाहता तुला मी
नकळे मला काही ।
शोधतो तुला मी
उरले कुठे काही ।
हरपले भान आता
धुंद मनात काही ।
कळेना काय ते
मनात काही काही ।
वाटते स्वप्न ते
डोळ्यात झोप नाही ।
अंधार वाटतो बरा
अंतरात बरेच काही ।
Sanjay R.
Subscribe to:
Posts (Atom)