विविध रूपांनी नटलेली
स्त्री ही एकच शक्ती ।
रुपगुणांचा ठेवून मान
चला करुया तिची भक्ती ।
अंबा ती काली ही ती
झाशीची तर राणी ती ।
लढते ती जेव्हा जेव्हा
होते कशी मर्दानी ती ।
आश्रु जरी असेल डोळ्यात
नका समजू तिला अबला ।
शिकून सवरून झाली मोठी
आहे तीच तुमची सबला ।
अर्धांगिनी ती होऊन येते
देते घरपण तुमच्या घरा ।
मान सन्मान तीस द्या जरा
कष्टाची तिच्या कदर करा ।
आई बहीण मुलगी तीच
ठेवी जपून सारी नाती ।
घराचा ती सांभाळ करी
घेऊन संसाराची दोरी हाती ।
Sanjay R.
No comments:
Post a Comment