देवा का रे हा असा
तुझ्या माझ्यात दुरावा ।
भक्तीला तुझ्या का
हवा रे तुज पुरावा ।
नित्य करिती भक्त
भक्ती तुझीच देवा ।
नाही कुठली अपेक्षा
हवा भक्तीचा ठेवा ।
चरणी तुझ्या असू दे
भाव भक्तीचा माझ्या ।
दर्शनाची मनात आशा
येईल पंढरीत तुझ्या ।
दुमदुमू दे परत पंढरी
भक्त भुकेला तुझा हरी ।
नामस्मरण तुझेच चाले
डोळे तुझ्या वाटेवरी ।
घोष विठ्ठलाचा कानी
निघे ओठातून ध्वनी ।
जय हरी विठ्ठल विठ्ठल
जप अखंड चाले मनी ।
Sanjay R.
No comments:
Post a Comment