आहे कसे हे सांग नाते
वाटे आम्हा हे जग खोटे ।
सोडले असे तू अधांतरी
तुझ्यासाठी रे काय मोठे ।
आई बापास तू विसरला
सांग फेडणार आमचे ऋण ।
संस्कार दिले तुला चांगले
घेतले कुठून असेल दुर्गुण ।
म्हातारपणी लागतो आधार
केला कसा रे तू विचार ।
त्याग विसरलास का आमचा
केले आम्हा असे लाचार ।
वृद्धाश्रमास या केले घर
सुखाचा तू कर संसार ।
जगू मरू आम्ही इथेच
नको करु आमचा विचार ।
Sanjay R.
No comments:
Post a Comment