आई करील मी पूर्ण
सांग काय स्वप्न तुझे ।
आहे माझे एकच स्वप्न
प्रेम हवे मज तेच तुझे ।
लहानाचे मोठे करण्या
विसरलीस तू तुझे स्वप्न ।
चिंतेत माझ्या सदा होतीस
राहिलं ग स्वतःला जपणं ।
झेलल्या तू हाल अपेष्टा
रात्रीही जागून काढल्या ।
खाणे पिणे शिक्षण माझे
इच्छा साऱ्या तू सोडल्या ।
तुझ्यामुळेच झालो मोठा
सरले आता तुझे ते कष्ट ।
बघ शांतीने तू जग सारे
होऊ नकोस मजवर रुष्ट ।
तुझ्याविना मी होईल पोरका
सोडू नकोस मज क्षणभर ।
हवा मला ग तुझाच आधार
ऋण तुझेच आहे मजवर ।
Sanjay R.
No comments:
Post a Comment