काय करू ओ बाई
सून माही बरी नाही ।
सूर्य येते डोक्शावर
तवा उठते हो माही ।
काम धाम कुणास ठाव
तिले येते का न्हाई ।
चहा कर म्हनते मलेच
तारीफ करते भाई ।
काल केलत्या पोळ्या
एकही गोल दिसे नाई ।
भाजी ठिवली जाळून
गंज बी मंग निघे नाई ।
झाड पूस महाच मांगं
थेबी तिले जमत नाही ।
कम्बर दुखते म्हनते
इचारते हाये का दवाई ।
म्या मनलं बस तू म्होरं
मीच करतो सफाई ।
नशीबच वो मायं खोटं
मीच करतो धुलाई ।
सदा कदा आरश्या पुढं
करत रायते रंगाई ।
काय फासते तोंडाले
दिसते कशी महा माई ।
कशी भेटली सांगू बाप्पा
माही हे सुनबाई ।
झाडून पुसून धाडतो
येऊ दे आता दिवाई ।
Sanjay R.
No comments:
Post a Comment