चलाना राया थोडे भिजायाला जाऊ
रिमझिम पावसात आपण दोघेही न्हाऊ ।
आकाशात ढगांनी किती गर्दी केली
भरून गेले आभाळ खाली सावली आली ।
चलाना राया थोडे भिजायाला जाऊ
रिमझिम पावसात आपण दोघेही न्हाऊ ।
गार झाला वारा मनी फुलला पिसारा
आठवणींच्या डोहात तुमचाच किनारा ।
चलाना राया थोडे भिजायाला जाऊ
रिमझिम पावसात आपण दोघेही न्हाऊ ।
चमचमली वीज कसा लख्ख झाला प्रकाश
अंतरात बघा कसे भरून आले आकाश ।
चलाना राया थोडे भिजायाला जाऊ
रिमझिम पावसात आपण दोघेही न्हाऊ ।
प्रीत तुमची माझी राया तोडू सारे पाश
येऊ द्या मिठीत मज घेऊ मोकळे श्वास ।
चलाना राया थोडे भिजायाला जाऊ
रिमझिम पावसात आपण दोघेही न्हाऊ ।
Sanjay R .
No comments:
Post a Comment