Monday, July 8, 2024
कविता प्रकाशित
Saturday, July 6, 2024
पहिल्या पावसाचा आनंद
पहिल्या पावसाचा किती आनंद
धराही होते भिजून कशी धुंद ।
अचानक अवतरतात ढग काळे
मधेच डोकावते आकाश निळे ।
थेंब थेंब जेव्हा बरसतो पाऊस
चिंब भिजून मग फिटते हौस ।
वृक्ष वेली संगे धरा होते आनंदी
दरवळ फुलतो हवा होते सुगंधी ।
Sanjay R.
Thursday, July 4, 2024
प्रेमाचा चहा
चहाची तलफच भारी
छोटे मोठे त्याच्या आहारी ।
सकाळ होताच हवा कप भर
नाही तर डोके होते अधर ।
कुणाला गोड कुणाला फीक्का
चहा मात्र हवा एक कप पक्का ।
दुधाचा असो वा असो काळा
चहा विना तर सुकतो गळा ।
ऑफिस असो वा असू दे घर
येता जाता म्हणतो चहाच कर ।
पाहुणा असो वा असो मेहुणा
सहज म्हणतो थोडा थोडा घेऊना ।
काम काढायचा पण एकच मंत्र
चहा विना हो जमते कुठे तंत्र ।
कुठलेही संकट कुठलीही आपत्ती
चहाच घालवतो सारी विपत्ती ।
सगळ्याच गोष्टींवर चालेना हत्ती
गुणकारी किती या चहाची पत्ती ।
Sanjay R.
Wednesday, July 3, 2024
गेले ते दिवस
गेलेत हो ते दिवस
आलोय मी कुठे ।
परत नाही येणार
दिवस तेच इथे ।
हसणे रडणे खेळणे
दिवसभर भटकणे ।
मोठा मी झालो ना
दिवस होते ते जुने ।
आईचा तो मार
बाबांचा होता धाक ।
भ्यायचो ना किती
ऐकताच ती हाक ।
शाळा असो वा घर
मस्ती करायची खूप ।
वरण भातावर वाढे
आईच जास्त तूप ।
हवे ते मिळायचे
चिंता नव्हती कशाची ।
बाबाही किती झटायचे
नसे काळजी खिशाची ।
पावसात मस्त भिजायचो
उन्हा तान्हात खेळायचो ।
मित्रांसोबत आम्ही तेव्हा
पेरुही कसे चोरायचो ।
सारच संपलं आता
उरल्या फक्त आठवणी ।
किती छान होती ना
आजीची ती कहाणी ।
खूप वाटत मनाला
हवे परत तेच दिवस ।
सांगा ना कोणी मला
करू कुणाला नवस ।
Sanjay R.