चहाची तलफच भारी
छोटे मोठे त्याच्या आहारी ।
सकाळ होताच हवा कप भर
नाही तर डोके होते अधर ।
कुणाला गोड कुणाला फीक्का
चहा मात्र हवा एक कप पक्का ।
दुधाचा असो वा असो काळा
चहा विना तर सुकतो गळा ।
ऑफिस असो वा असू दे घर
येता जाता म्हणतो चहाच कर ।
पाहुणा असो वा असो मेहुणा
सहज म्हणतो थोडा थोडा घेऊना ।
काम काढायचा पण एकच मंत्र
चहा विना हो जमते कुठे तंत्र ।
कुठलेही संकट कुठलीही आपत्ती
चहाच घालवतो सारी विपत्ती ।
सगळ्याच गोष्टींवर चालेना हत्ती
गुणकारी किती या चहाची पत्ती ।
Sanjay R.
No comments:
Post a Comment