अडबड झाली गडबड झाली
आईने दिला मज धपाटा ।
लक्ष देऊन आता करतो सारे
तरी होतो कसा चुकांचा सपाटा ।
अभ्यासात नाही लागत लक्ष
मित्रच दिसतात हो पुस्तकात ।
कितीही वाचा थांबत नाही
जातच नाही काही या मस्तकात ।
इकडे तिकडे फक्त बघत असतो
अभ्यासाचा येतो कंटाळा खूप ।
टिफीन उघडुन बघत राहतो
आईने दिले की नाही ते तूप ।
कळतच नाही काय लिहावे
परीक्षेचे प्रश्न असतात किती भारी ।
बरी वाटते मला नेहमीच कशी
मित्रांसोबत होते ती मारामारी ।
आज लागला रीझल्ट परीक्षेचा
सगळीकडे नुसता आहे भोपळा ।
आता आई बाबांना सांगू मी काय
दिसतो बाबांच्या हातात ठोकळा ।
Sanjay R.
No comments:
Post a Comment