सखा तूच रे आहे माझा
पंढरीच्या माझ्या पांडुरंगा ।
नाही झाले रे दर्शन तुझे
तुझ्यात मन घालते पिंगा ।
शहरात या आहे चालू
कोरोनाचा कसा रे दंगा ।
मिळेल कधी आम्हा शांती
कुणीतरी हो आता सांगा ।
प्राण चाललेत निसटून
मायेची कशी आटली गंगा ।
डोळ्यात आसवांचा पूर
अग्निही रुसला रे श्रीरंगा ।
तुटता तुटेना साखळी ही
सर्वत्र चालला हा धिंगा
आस तुझीच रे आहे आता
भीक जीवाची दे पांडूरंगा ।
Sanjay R.
No comments:
Post a Comment