नुसत्या तुझ्या असण्याने
भिनतो कसा अंगात वारा ।
तुझ्या आठवणीनंही मज
सुखाचा वाटे सारा पसारा ।
सांगू तुझी मज सोबत कशी
जातो निघून दुःखाचा मारा ।
जीवन हे उन्हाळा पावसाळा
सोबत तुझी गार गार वारा ।
तुझ्या सवे दुःखाचे होते सुख
वाटे जशा श्रावणातल्या धारा ।
हसणे तुझे कधी रुसणे तुझे
जसा मोर फुलवतो पिसारा ।
संसाराला माझ्या जोड तुझी
भासे चंद्राचा शांत शीतल पारा ।
अथांग या सागरात सांगतो
आहेस तूच माझा किनारा ।
Sanjay R.
No comments:
Post a Comment