लय झाली अमिरी
थोडी गरिबी बी पहा ।
झोपडीत गाड्याच्या
जाऊन थोडं राहा ।
न्हाई बसाले पाट
न्हाई झोपाले खाट ।
जिकडं पहान तिकडं
ठिगळायचा थाट ।
बिमार बुढी कोपऱ्यात
न्हाई औषीध पानी ।
जिरून गेली जागीच
कायजी कोनाले कानीं ।
नागडे पुगडे लेकरं खेयते
भुके पाई रडते भारी ।
कामासाठी धनी कसा
फिरते दारोदारी ।
शिक्षन पानी लेकरायचं
खिशात न्हाई खडकू ।
लक्षुमी त्याची रडते
मानते गुमान ऱ्हावा
नका अशे भडकू ।
पाच पन्नास कमाई त्याची
काय काय थो करन ।
रातच्याले साथरीवर
पायते थो मरन ।
सरनाले बी त्याच्या
लाकडं कसे भेटन ।
पाला पाचोया जमवून
सांगा देह कसा पेटंन ।
मुन मनतो गडया .....
लय झाली अमिरी
थोडी गरिबी बी पहा ।
झोपडीत गाड्याच्या
जाऊन थोडं राहा ।
Sanjay Ronghe
Nagpur
No comments:
Post a Comment