सांगू कसे मी गं तुला
अंतरीच्या माझ्या फुला ।
हलकेच तुझ्या उडतात बटा
जिवाच्या माझ्या होतात छटा ।
ओठ मज का तुझे पुकारती
पेटतात बघ हृदयात वाती ।
नेत्रात सांगू भाव कुठले
मनात माझ्या वादळ उठले ।
सळसळ यावा वादळ वारा
सोबत प्रेमाच्या चिंब धारा ।
वाटे तू अशीच सदा हसावी
आठवण मज तुझीच व्हावी ।
राधा राधा चाले मनात धावा
कृष्ण फुंकतो आपुला पावा ।
श्वासांची बघ गती वाढली
उचकी मज का तूच धाडली ।
ये ना सखे तू जवळ माझ्या
घेतो विसावा अंतरात तुझ्या ।
Sanjay R.
No comments:
Post a Comment