आजूबाजूला बघतो जेव्हा
माणुसकीचा दिसतो अंत ।
स्वातंत्र्य हे टिकणार कसे
आहे मनाला हीच खंत ।
महाराज कोणी होतो बाबा
म्हणतो आहे मीच संत ।
व्यभिचारी इथे दुराचारी
होऊन फिरतात मोठे महंत ।
राजकारण्यांचे नाव नको
दाखवतील ते वाचले ग्रंथ ।
तोडा फोडा राज्य करा
एकच त्यांचा मूळ मंत्र ।
जाती जातीत द्वेष किती
विचारतात ते कुठला पंथ ।
हिंदू मुस्लिम शीख ईसाई
मारा मारा कोण म्हणतं ।
नाही उरली माणुसकी हो
चिरडतात ते जसा जंत ।
विनाशाच्या वाटेवरचा
समोर दिसतो होईल अंत ।
Sanjay R.
मन झाले माझे मोर
रात्रीची जणू चंद्र कोर ।
उनाड हा वारा नी
आहे पावसाचा जोर ।
नाच नाचू मी कसा
भिजले अंगण समोर ।
झुलते हे झाड किती
ठेवला बांधून दोर ।
मन मुक्त जयाचे
नाचतो तोही पोर ।
मन झाले माझे मोर
जणू रात्रीची चंद्र कोर ।
Sanjay R.
एकेक लागला गळायला
नी पाय माझे वळायला ।
काळ लोटला वेळ लोटली
मित्रांसाठी लागलो हळहळायला ।
दिवस तेव्हाचे आठवतात
भारी वाटायचे याच मित्रात ।
शाळा सुटली नोकरी लागली
काम काम तेच होतं कर्मात ।
आता थोडी मिळाली उसंत
बोलावे भेटावे वाटत मित्रांना ।
पण तेही निघालेत दूर आता
सांगा थांबवू कसे मी सर्वांना ।
Sanjay R.
धन्य धन्य ते गोकुळ
वाढला जिथे कृष्ण ।
नंद यशोदेचा लाल
गोकुळात ते असणं ।
रंग रंगात श्री रंगला
सखी राधेचं रुसण ।
गोपी करी साऱ्या हेवा
त्यातच त्यांचं फसण ।
वाटे हवे हवे ते गोकुळ
मिळेल का हाच प्रश्न ।
Sanjay R.
एकेक क्षण या जीवनाचा
अविस्मरणीय मज वाटे ।
खडतर होता प्रवास सारा
कुठे पाकळ्या तर कुठे काटे ।
हसणे रडणेही सोबत होते
सुख दुःख होते जरी छोटे ।
आसवांनी भरले डोळे
त्यातही सुख वाटे मोठे ।
मन होते मज सावराया
हुंदका ही आतच दाटे ।
दिवस असे हे कधी सरले
वाटते सारे खोटे खोटे ।
Sanjay R.
