दुःख

दुःखा मागे येयील सुख
मनात कशाची रुखरुख ।
हसरे गोजरे सुंदर हे मुख
होईल खराब चांगला लूक ।
झाले गेले विसर तू आता
असू देना तू कुणाचीही चूक।
जरा विचार कर थोडा
तुटेल नाते होशील मुक ।
Sanjay R.

श्रावण सरी

कुठे कशास मी जाऊ

मागे पावसाच्या धावू ।

येतो आणि जातो तो

श्रावण सरींचा खाऊ ।

पाऊस पडतो सर सर

निळे काळे इथे अंबर ।

ऊन पावसाचा खेळ

सूर्य वाटते मज झुंबर ।

हिरव्या पानांची सळसळ 

जिकडे तिकडे हिरवळ ।

फुलला गुलाब मोगरा

मोहवितो कसा दरवळ ।

निसर्ग मोहक इतका की

आवडतो श्रावण जितका ।

जातो लवून माया मज

आनंद उत्साह मनी तितका ।

Sanjay R.

मन

मन किती हे भारी
कधी अंतरात कधी ते दारी ।
कधी हिरमुसते
कधी येई फिरून दिशा चारी ।

सुख असो वा दुःख
आतल्या आत चाले मारा मारी ।
क्षणात सारून सारे
भाव बदलाची करे कशी हुशारी ।

संकटाचे येता वादळ
सहजच कसे ते होते  विचारी ।
शांती वाटे हवी तेव्हा
होते संथ किती ते  निराकरी ।
Sanjay R.

तडजोड

टिकवायचे असेल नाते

तडजोड थोडी हवीच ।

शब्दांचे बाण सुटून जातात

घटना घडते मग नवीच ।

शब्दामागे शब्द येतात 

नाती कशी दूर होतात ।

सहज कुणी बोलून जातो

मनात तेच घर करतात ।

नको वाटतो मग दुरावा

आठवणींचा मनी पुरावा ।

पश्चातापच उरतो मागे

मन करते सतत धावा ।

Sanjay R.

विरह

तोही एकटा बिचारा
सतत शोधतो सितारा ।

गवसेना त्यासी किनारा
लोटतो वादळी वारा ।

सोबतीला अश्रुंच्या धारा
सोसतो नशिबाचा मारा ।

भावनांचा खेळ सारा
अंतरात झाला पसारा ।

मिळेना कुठेच इशारा
विरह त्यालाच विचारा ।
Sanjay R.