कपाट

नकळत पडली तुझ्याशी गाठ

आठवणींनी हे भरले कपाट ।

दूर किती आलो कळलेच नाही

वाटतं आता का सरली ती वाट ।

केल्यात लाटा किती त्या पार

सुख दुःख पाठीशी शोधतो काठ ।

सरला दिवस आता रात्र सोबतीला

कळतं मलाही होणार नाही पहाट ।

Sanjay R.

भाव भावना

असे ती मनात त्याच्या

फिरते मन भोवती तिच्या ।

तिचा जरी तोच सर्वस्व

पण जग आहे ना फसव ।

माया आईच्या मनात

ढळतात अश्रू क्षणात ।

बाबा झेलतात जरी घाव 

समाज थांबवितो धाव ।

भाव भावनांचा खेळ सारा

दूर जातो मग घेऊन वारा ।

Sanjay R.

कविता प्रकाशित

आज दिनांक 7 जुलै 2024 ला दैनिक तरुण भारत, आसमंत पुरवणीत माझी " पापणी ही ओली " ही कविता प्रकाशित झाली, संपादकांचे खूप खूप आभार .

पहिल्या पावसाचा आनंद

पहिल्या पावसाचा किती आनंद
धराही होते भिजून कशी धुंद ।

अचानक अवतरतात ढग काळे
मधेच डोकावते आकाश निळे ।

थेंब थेंब जेव्हा बरसतो पाऊस
चिंब भिजून मग फिटते हौस ।

वृक्ष वेली संगे धरा होते आनंदी
दरवळ फुलतो हवा होते सुगंधी ।
Sanjay R.

प्रेमाचा चहा

चहाची तलफच भारी
छोटे मोठे त्याच्या आहारी ।

सकाळ होताच हवा कप भर
नाही तर डोके होते अधर ।

कुणाला गोड कुणाला फीक्का
चहा मात्र हवा एक कप पक्का ।

दुधाचा असो वा असो काळा
चहा विना तर सुकतो गळा ।

ऑफिस असो वा असू दे घर
येता जाता म्हणतो चहाच कर ।

पाहुणा असो वा असो मेहुणा
सहज म्हणतो थोडा थोडा घेऊना ।

काम काढायचा पण एकच मंत्र
चहा विना हो जमते कुठे तंत्र  ।

कुठलेही संकट कुठलीही आपत्ती
चहाच घालवतो सारी विपत्ती ।

सगळ्याच गोष्टींवर चालेना हत्ती
गुणकारी किती या चहाची पत्ती ।
Sanjay R.