मार्ग जीवनाचा

चुकातून निघे मार्ग
गाठतो मीही स्वर्ग ।

नको घेऊ मनास लाऊन
मदतीला ते येतील धाऊन ।

जीवनाचा मार्ग जरी कठीण
घट्ट असावी नात्याची विण ।

नको कधीच तो दुरावा
आनंदात जगण्याचा पुरावा ।

चुकले कुठे सांग माझे
स्वप्न तर एकच माझे तुझे ।
Sanjay R.

पावसाच्या सरी

आभाळ झाले काळे
आल्या पावसाच्या सरी ।
चिंब भिजली धरा
लगबग जाण्याची घरी ।
Sanjay R

तुझं माझं

तुझं माझं चा भाव
नकोच या मनात ।
देवाने दिले सारेच
आहे मीही रुणात ।

थोडे असेल कमी
नको तेच ध्यानात ।
आहे तेच तर खूप
जाईल कधी क्षणात ।

दुःख येईल जाईल
कधी अश्रू डोळ्यात ।
आनंद देशील देवा
आता या जीवनात ।
Sanjay R.

बांधली मूठ होते रीती

माझं माझं करणार किती
हवे पोटाला सांगा किती ।
घात करतो लोभ सारा
स्वार्था पुढे तर नाही भीती ।
घेऊन कोण जातो सांगा
बांधली मूठ तर होते रीती ।
Sanjay R.

दरवळेल सुगंध

तू सांगशिल एक
करील मी दोन ।
सांगणार नाही तीन
पाळील मी मौन ।

असेल थोड माझ
बाकी सारं तुझ ।
त्यातच असेल सुख
तुझं आणि माझं ।

गुण गान तुझे
त्यातच आनंद ।
फुलेल मोगरा
दरवळेल सुगंध ।
Sanjay R.