विश्वासघात

नको कुणावर विश्वास
जवळचेच करतात घात ।
दूर दूरच सारे बरे
नको कुणाची साथ ।
संकटात सापडाल तेव्हा
दिसतील त्यांचेच दात ।
Sanjay R.

आघात

करशील किती घात

हृदयावर होती आघात ।

नाही कुणाची साथ

हवा आता फक्त हात ।

Sanjay R.

चालानं येऊ फिरून

चालाना येऊ फिरून
जाऊ दूर मस्त ।
हाफ तिकीट लागते
पडते ना हो स्वस्त ।

येसटी नच जा लागन
मग कुठं बी उतरा ।
यात्रा बरी घडन वो
गाव फिरू ना सतरा ।

जाऊ जाऊ मुन तुमी
नेलं च कुठं आतावरी ।
चार धाम झाले असते
पर केलं तुम्ही म्हतारी ।

आता न्हाई नोका म्हनू
यंदा जाचच आपल्याले ।
पांडुरंगानं बलावल
काई कायते का तुमाले ।

रंग्या मंग्या ऱ्हाउ द्या
दोघच आपून जाऊ ।
पूना मुंबई बी तिकड
डोये भरून पाहू  ।

समुद्राच मले बी हो
हाय लयच येड ।
आंघोय करू तिथं
काडू त्याचीबी छेड ।

चाला बर उठा आता
बॅग तुमची भरा ।
म्या ठीवली भरून
आता निंगा तरा तरा ।
Sanjay R.

कविता प्रकाशित

माझे व्यासपीठ या मुंबई येथून प्रकाशित होणाऱ्या एप्रिल 2023 च्या मासिक अंकात माझी "जगणे जीवनाचे" ही कविता प्रकाशित झाली. संपादकांचे खूप खूप आभार .

ऊन लागलं तपाले

ऊन लागलं तपाले
डोईवर न्हाई शेला ।
नागर हाये धराचा
पाय बैल कुठं गेला ।

त्याले बी लागते ऊन
मारते झाडाले रेला ।
पानी पानी होते जीव
शोधू कुठं मी पेला ।

मांगच साल पाहा कस
देवानं पाऊस किती देला ।
कथा म्हणु का व्यथा
शेतकरी पाण्यानच मेला ।

डोये लागले अभायाले
नवस बायकोन केला ।
पीक होऊ दे म्हने बर
मंग घेउ आपनही शेला ।
संजय रोंघे
नागपूर