सांगतो मी राजा

सांग तू राजा
आहे रे कुठे मजा ।
सदा असतो धावत
वाटते मला सजा ।

गाव सुटले आणि
शहरी मी आलो ।
पैश्याची हाव आता
लालची किती झालो ।

रहायला रे खोली
हवे वाटते घर ।
गावच्या अंगणाची
नाही रे इथे सर ।

सकाळची बैठक
पळतो मी कुठे ।
घड्याळीच्या कट्यावर
सारे धावत सुटे ।

नाही क्षणाची उसंत
चाले दिवसभर काम ।
पूजा नाही पाती
विसरलो मी राम ।

काळ लोटला इथे
सूर्य बघितला कधी ।
ऊन वाऱ्याचा चटका
पाऊस रे गावा मधी ।

हिरवे रान कुठे
इमारतीचे झाले जंगल ।
आई बाप तिकडे
हीच मनात रे सल ।

शोधतो रोज मी
काळया मातीचा वास ।
उभ्या उभ्या कसा रे
थांबतो इथे श्वास ।

सांगतो मी राजा
याद गावाची येते ।
नाही माणुसकी इथे
काढून काळीज नेते ।

नको वाटते सारे
गाव होता रे बरा ।
कपटी सारेच इथे
हृदयात तिथेच झरा ।
Sanjay R.

यश तुझ्याच हाती

नको सोडू तुझे प्रयत्न
यश तुझ्याच हाती आहे ।
मनात असेल जर इच्छा
घडणार अगदी तसेच आहे ।

मनात गुंफले तू जे स्वप्न
साक्षातही अगदी तेच आहे ।
नको बघू तू वळून मागे
सोबतीला मी तुझ्याच आहे  ।

मान जराशे तू आभार त्याचे
सदा सदैव तो तुझाच आहे ।
अंतर नको तू देऊ त्यास
परमेश्वराची ही साथ आहे ।
Sanjay R.

मन मोहिनी

फुलली प्रीत किती
तीही ऐक कहाणी ।
आनंदाचे क्षण सारे
होती तीच मेजवानी ।

सुखद तुझे बोल
शब्द घुमती कानी ।
सांग कसा विसरेल
जपून त्या आठवणी ।

कळेना मज काही
होते काय ते मनी ।
भाव नजरेतले तुझ्या
अंतरात तू मोहिनी ।
Sanjay R.

तू

कोण काय म्हणू मी तू
ती तशीच तर आहेस तू
मी मला का वाटते हवी तू
तुझ्यात तू आणि तशीच तू
कधी स्वप्नातआठवणीत तू
सांग शोधू कुठे मी आहेस तू
तू असेल जिथे नसेल कुठे
तरी आहेस या अंतरात तू
Sanjay R.

भार

नको आता विचार
माणूस किती लाचार ।
माणुसकी तर सरली
उरला फक्त दुराचार ।
लालसा त्यास कशाची
उचलेना कशाचा भार ।
तुज हवा किती रे पैसा
करतो त्यासाठी तू वार ।
Sanjay R.