रंग मिठाई आणि उत्साह
तालावर नाचायचे लावून गाणी ।
त्यासाठी थोडी एनर्जी हवी
शोधतात मग रंगीत पाणी ।
अडखळतात पाय आणि
मग होतात अनवाणी ।
पत्ताच नसतो कशाचा
शौकिनांची हीच कहाणी ।
Sanjay R.
Saturday, March 11, 2023
रंग पंचमी धमाका
जाऊ नको दूर
जाऊ नको दूर
मनात हुर हूर ।
थांबेना उचकी
जातास तू दूर ।
मिटेना डोळे मग
येतो त्यात पूर ।
दाटतो गळा माझा
लागेना मग सुर ।
स्वप्नही पडेना
तेही किती चतुर ।
परतून ये सखे
मन झाले आतुर ।
Sanjay R.
Thursday, March 9, 2023
स्त्री शक्ती
विविध रूपांनी नटलेली
स्त्री ही एकच शक्ती ।
रुपगुणांचा ठेवून मान
चला करुया तिची भक्ती ।
अंबा ती काली ही ती
झाशीची तर राणी ती ।
लढते ती जेव्हा जेव्हा
होते कशी मर्दानी ती ।
आश्रु जरी असेल डोळ्यात
नका समजू तिला अबला ।
शिकून सवरून झाली मोठी
आहे तीच तुमची सबला ।
अर्धांगिनी ती होऊन येते
देते घरपण तुमच्या घरा ।
मान सन्मान तीस द्या जरा
कष्टाची तिच्या कदर करा ।
आई बहीण मुलगी तीच
ठेवी जपून सारी नाती ।
घराचा ती सांभाळ करी
घेऊन संसाराची दोरी हाती ।
Sanjay R.
Wednesday, March 8, 2023
काय म्हणू या मनाला
काय म्हणू या मनाला
आहे हे हळवे किती ।
असले मनात तर
जुळतात ना नाती ।
मनाचीही आहे व्यथा
तुटले की होते गाथा ।
सुटले की मग मात्र
का ठणकतो माथा ।
मन असते कुठे स्थिर
कधी फिरे भिर भिर ।
थांबत नाहीच कुठे
कधी मग सुटतो धीर ।
आनंदात विहरते कधी
उंच उंच आकाशात ।
दुःख झाले की मात्र
भासते आहे काळोखात ।
Sanjay R.
Subscribe to:
Posts (Atom)