नऊ रंग

रंगांच्या त्या धुळकणात
शोधत होतो मी तुला ।
कुठे गुलाबी कुठे हिरवा
उधळून सारेच नव रंग
रंगात बघायचे होते तुला ।
गोड स्मित हास्य तुझे
त्यात हसायचे होते मला ।
हळूच मग वाऱ्यासंगे
झुलायचे होते मला ।
Sanjay R.

नारी शक्ती

तलवार जिच्या हाती
ती झाशीची राणी
बघून तिचा प्रताप
शत्रूही मागे पाणी ।

कमी नका हो समजू
आहे ही भारतीय नारी ।
स्वबळावर ती जागवते
आहे पुरुषावर ही भारी ।

घर चालविणे सोपे नाही
तिला ज्ञान आहे सर्वस्वाचे ।
त्याग तिचा कळला कुणा
साधते हित ती जीवनाचे ।

माया ममता प्रेम मनी
बरोबरी ही करेल कोणी ।
नारी शक्ती जाणा जरा
हवा सन्मान तिचा मनोमनी ।
Sanjay R.

जुळेना बंध प्रीतीचा

जुळेना बंध प्रितीचा
मनाचे मनालाच कळेना ।
नकोच विचार कुठले
विचार विचारांशी जुळेना ।
Sanjay R.

चिंता

नात्याचा झाला गुंता
लागली डोक्यास चिंता ।
जाऊ द्या बघू आरामात
सांगा तुम्ही काय म्हणता ।
Sanjay R.

नको तेच घडतं

मनासारखं कुठे कधी घडतं
मांजर जातं आडवं
आणि विपरीत सारं घडतं ।
मनात असतेच धाक धुक
वाटतं सुरळीत व्हाव सारं
पण नशिबात नसेल तर
नेमक नको तेच घडतं ।
Sanjay R.