तलवार जिच्या हाती
ती झाशीची राणी
बघून तिचा प्रताप
शत्रूही मागे पाणी ।
कमी नका हो समजू
आहे ही भारतीय नारी ।
स्वबळावर ती जागवते
आहे पुरुषावर ही भारी ।
घर चालविणे सोपे नाही
तिला ज्ञान आहे सर्वस्वाचे ।
त्याग तिचा कळला कुणा
साधते हित ती जीवनाचे ।
माया ममता प्रेम मनी
बरोबरी ही करेल कोणी ।
नारी शक्ती जाणा जरा
हवा सन्मान तिचा मनोमनी ।
Sanjay R.
जुळेना बंध प्रितीचा
मनाचे मनालाच कळेना ।
नकोच विचार कुठले
विचार विचारांशी जुळेना ।
Sanjay R.
नात्याचा झाला गुंता
लागली डोक्यास चिंता ।
जाऊ द्या बघू आरामात
सांगा तुम्ही काय म्हणता ।
Sanjay R.
मनासारखं कुठे कधी घडतं
मांजर जातं आडवं
आणि विपरीत सारं घडतं ।
मनात असतेच धाक धुक
वाटतं सुरळीत व्हाव सारं
पण नशिबात नसेल तर
नेमक नको तेच घडतं ।
Sanjay R.
भावनांना नाही गंध
क्षा होणार धुंद ।
मन सदा असते दुःखी
जुनाच आहे तो छंद ।
हसावे वाटते मलाही
शोधतो मग मी आनंद ।
नकळत होतो उदास
खुलेना अंतरातला बंध ।
घेतो मिटून डोळे
वाटते मी असाच अंध ।
Sanjay R.
