कर्तव्याची दिली याद

अर्जुन झाला दुःखी
युद्धभूमीवर होता नाद ।
कृष्ण सारथी पार्थाचा
ऐकेना कुणाची साद ।
अर्जुनास सांगुन गीता
कर्तव्याची दिली याद ।
झाले मग महायुद्ध
शंभर कौरव झाले बाद ।
झाला अन्यायाचा पराजय
सत्याची विजयी दाद ।
Sanjay R.

हसा आणि हसू द्या

नको विसरू रे माणसा

तुझीच तू रे कर्तव्य ।

नियम जरी नसतील काही

पाळायचे तुला तुझे कर्तव्य ।

जन्मदाते आई बाप तुझे

सांभाळायचे त्यांचे म्हातारपण  ।

भाऊ बहीण बायको मुलं

त्यांनाही द्यायचा आधार तुला ।

समाजाचे नियम काही

पालन तुज त्यांचे करायचे ।

हसा आणि हुसू द्या

सोबत सोबत जगायचे ।

Sanjay R.

झोपडीतला संसार

झोपडीतला एक संसार
भिंती नाही तरटाचा आधार ।
डोक्यावर नाही छत
सोसवेना स्वतःचाच भार ।
काय दिवस काय रात्र
कष्टाचा सतत चाले मार ।
दिव्यात नाही तेल
झोपडीत फक्त अंधार ।
अर्धपोटी झोप कुठे
परत येतो उद्याचा विचार ।
Sanjay R.

नटू दे अंगण

गेला वाटतं पाऊस

नारायणाने दिले दर्शन ।

आकाश झाले स्वच्छ

सूर्यप्रकाश केला अर्पण ।

पाखरांची झाली किलबिल

धरेचा फुलला कणकण ।

थांब थांब पावसा आता

नटू दे धरेचे अंगण ।

Sanjay R.

भरोसा

हक्क माझा हक्क तुझा

नाही इथे कुणाचा ।

मग सरेल जेव्हा हक्क

सांगा कोण कुणाचा ।

वाटे तसे चाले सारे

सारा खेळ मनाचा ।

संगनमताने न चाले काही

भरोसा कुठे क्षणाचा ।

Sanjay R.