मन झाले शांत
वाटे मज निवांत ।
विचार नाही काही
आता कसली खंत ।
नाही कशाची आशा
पाहू नकोस अंत ।
पदरात सदा निराशा
होईल मोठा ग्रंथ ।
चरणी ठेवितो माथा
पाव तूची एकदंत ।
तूच सर्व ज्ञाता
आहे तूच अनंत ।
Sanjay R.
मनच झाले हे वादळ वारा
शमवू कसे कुठे किनारा ।
शांत करण्या हवा एकांत
सागर कधी का होतो शांत ।
लाटे वरती येईल लाट
नेई सारेच समुद्र अफाट ।
हवी मजला थोडी शांती
मिळेल केव्हा जळते पणती ।
Sanjay R.
विचारांची होते गर्दी
मोजू कसे त्यात दर्दी
पडतात मग स्वप्न सारे
जातो विसरून ती अर्धी ।
सांगू कुणास खरेखोटे
देऊ कुणास मीही वर्दी ।
पाश सारे गुंतले पायात
जीवनाची ही वाट अर्धी ।
उरले सुरले मनात सारे
सोसवत नाही अफाट गर्दी ।
Sanjay R.
होतील कशी पूर्ण
स्वप्न या मनातली ।
निशे सवे जातील दूर
सत्यकथा आयुष्यतली ।
तळपतो जरी सूर्य
काय जादू ढगातली ।
धो धो पडतो पाऊस
शक्ती सांगा कुणातली ।
नको गर्दी अपेक्षांची
धुळमाती विचारतली ।
हसू खेळू थोडे आता
बघू गम्मत जीवनातली ।
Sanjay R.
