मनी देवाचा ध्यास

किती बांधायचे कयास
पडतात कमीच प्रयास ।

मनात सारखा ध्यास
मग होतात आभास ।

कधी थांबतात श्वास
निघतो सुटकेचा निश्वास ।

नकोच आता कयास
नकोत कुठले प्रयास ।

मनी देवाचीच ध्यास
थांबेवरी हे श्वास ।
Sanjay R.

नको बांधुस कयास

कशाला तू बांधत आहे

मनात असले कयास ।

विचारांनीच या अशा

गेला रे तू लयास ।

नेहमी असतोस चिंतेत

होतात झोपेतही भास ।

विचार कर थोडा

कधी थांबला जर श्वास ।

दे ना सोडून सारे

बरा नाहीच हा हव्यास ।

उठ जरा जागा हो

ठेव मनात विश्वास ।

विजय तुझा नक्की होईल

वाटेल भूषण आम्हास ।

Sanjay R.

एकच ही पाऊलवाट

एकच ही पाऊलवाट

होतात पावले भारी ।

फिरत राहतो सारखा

हरवलो दिशा चारी ।

नागमोडी वळणं त्यात

नको वाटतात सारी ।

सम्पता कधी सम्पेना 

कठीण जीवनाची वारी ।

बघतो वळून मागे जेव्हा

येते डोळ्याला अंधारी ।

पुढे पुढे मी जाऊ कुठे

करी दंश साप विषारी ।

चालवेना आता थकलो

विसावा हवा थोडा तरी ।

थांबतील हे श्वास कुठे

सम्पेल का केव्हा तरी ।

Sanjay R.

न सरणारी पाऊलवाट

तुझी माझी एकच वाट
दूर जाते ही पाऊलवाट ।

मधेच लागे खाच खळगे
येतील कडी उंच उंच घाट ।

नागमोडी ते वळणे किती
झाडे झुडपे लागती दाट ।

मधेच वाहे झुळझुळ पाणी
तुडुंब भरलेत सारेच पाट ।

जीवन आपुले असेच आहे
न सरणारी पाऊलवाट ।
Sanjay R.

पाहता तुझे स्मित

पाहता तुझे स्मित
मन जाते हरकून ।
विचार नसतो दुसरा
जातो सारेच विसरून ।

बघतो डोळ्यात तुझ्या
सुखाचा एक झरा ।
पापणीही मिटत नाही
हसरा तुझा चेहरा ।

नकळत येती विचार
काय तुझ्या मनात ।
डोळेच संगती मग
कळते अंतरास क्षणात ।

पुरे आता खेळ हा
चल करू या संवाद ।
आसुसले कान माझे
आहे ऐकायचा नाद ।

आकाशातल्या चांदण्या
सोबत तुझ्या मोजायच्या ।
क्षितिजाआड जाऊनिया
गुज गोष्टी खूप करायच्या ।
Sanjay R.