" एक स्वप्न अनोखे "

पाहिले मी पहाटेस
एक स्वप्नच अनोखे ।
गर्दीत अडकलो मी
सोबतीला तुही सखे ।

आली गळ्यात कोरड
सावली मज का रोके ।
निघेना शब्द मुखातून
चहूकडे फक्त धोखे  ।

गेलीस निघून तू दूर
जगणेच वाटे फिके ।
आवाज तुझा ऐकून
पकडले मीच डोके ।
Sanjay R.

दिसे तेज

कोण कशात तरबेज
चेहऱ्यावर दिसे तेज ।
इतिहास बघा जरा
भविष्याला एक पेज ।

वाहवा होईल सारी
आहे बदलायचा आज ।
विजयाचा वेगळा बाज
असेल वेगळा अंदाज ।
Sanjay R.

" सत्य टाकतो पुरून "

सत्य टाकतो पुरून
अफवांचा येता पूर ।
खोट्याचा बोल बाला
लागे दुष्टांचा सूर ।

स्वप्न सुखाचे जिथे
दुःखात होते चुर चुर ।
रक्ताचे वाहती पाट
दुष्ट इथले आतुर ।

भ्रष्टच झाली बुद्धी
होते किती ते चतुर ।
झाले सारे इथे आता
नरभक्षक आसुर ।

उरली कुठे दया माया
माणुसकी तर दूर ।
असत्त्वच मिटले सारे
जिकडे तिकडे धूर ।
Sanjay R.

नाविक

नाविक मी या नौकेचा

जीवन हे अथांग सागर ।

दूर शोधतो मी तो किनारा

पोटाला हवी एक भाकर ।

Sanjay R.

" उरले आता मरण "

देऊ नकोस वेदना

करू किती मी सहन ।

झाले दुःख अपार

होईल कधी हे दहन ।

वेचतो आता मी

माझ्यासाठीच सरण ।

नाही विश्वास उरला

झाले सुखाचे हरण ।

अंतरात बघ वाकून

तिथे दुःखाचे भरण ।

भरला कुंभ शिगेला

उरले आता मरण ।

Sanjay R.