हिरवी हिरवळ दाट
दूर दूर जाते ही वाट ।
चिवचिव करती पाखरे
होताच नवीन पहाट ।
निसर्ग रम्य हे सारे
काय निसर्गाचा थाट ।
वळना वळणातून निघे
कुठे पठार कुठे घाट ।
चाले निरंतर प्रवास
तरी थकेना ती वाट ।
Sanjay R.
Friday, April 9, 2021
Thursday, April 8, 2021
" प्रेमाचा रंग अजून तोच "
कसे होते त्या काळातले प्रेम
आता सारखेच होते का सेम ।
नाही ठाऊक चाले कसा गेम
कोण केव्हा टपकेल नव्हता नेम ।
तो बघायचा आणि ती हसायची
नाकाला थोडंस मुरडायची ।
नजरेनं तिरक्या ती बघायची
मुद्दाम खोटं खोटं रुसायची ।
बोलायची तर सोयच नव्हती
पत्रातून मग ती व्यक्त व्हायची ।
मनातल्या भावना ती लिहायची
पत्र कशीबशी आपली पाठवायची ।
व्हायचा कधी गडबड घोटाळा
मित्रच सांगायचे पळा पळा ।
दूर बघ तिकडे येतोय साळा
भीतीने चेहरा व्हायचा निळा ।
आजकाल झाले सारेच ईझी
मेसेज पाठवून व्हायचे बिझी ।
सांगे आठवण येत होती ग तुझी
पण ब्याटरी चार्ज नव्हती माझी ।
प्रेमाचा रंग आहे अजून तोच
कुठल्याही प्रश्नाचे उत्तर होच ।
प्रेमाच्या पावतीला मिळते पोच
आवडते तिच्या गालावरची मोच ।
Sanjay R.
Wednesday, April 7, 2021
" ठरवून कुठे काय होते "
ठरवून कुठे काही होते का
ठरवलेले कधी पूर्ण होते का ।
ठरवायचे आपण एक आणि
न ठरवलेले घडते दुसरेच ।
नकळत कधीतरी असेही होते
हवे ते काम आपोआप पूर्ण होते ।
नाशीबाचाच खेळ आहे सारा
कधी दुःख तर कधी सुखाचा मारा ।
Sanjay R.
Tuesday, April 6, 2021
" पैशाचा गंध "
इल्या आमचा एकदम भारी
त्याला आहे एकच छंद ।
झोपेत पण ओळखेल हो
कोऱ्या नोटांचा गंध ।
हुंदडेल तिथेच हादडेल
पैश्या मध्ये होतो धुंद ।
असू द्या ना म्हणतो
कितीही कशाचे निर्बंध ।
गती कामाची तुमच्या
करा ना थोडीशी मंद ।
पैसेच पैसे येतील म्हणे
फक्त मार्ग असू द्या रुंद ।
नाक दाबून तोंड उघडा
नाहीतर खात बसा कंद ।
मार पडला की म्हणे
कोणीही होतो बेधुंद ।
पकडून त्याला मग
करा पूर्ण आपला छंद ।
नोटा घेताना कोऱ्या
डोळे थोडे ठेवा बंद ।
करप्शन च्या मुद्द्यावर
सगळेच होतात अंध ।
घेऊन बघा ना पैसे
मिळतो किती आनंद ।
पैसा कसाही असो
सारखाच असतो गंध ।
ओंजळभर का होईना
करायचा असाच प्रबंध ।
आयुष्यभर मग आपले
लिहीत बसा निबंध ।
Sanjay R.
Monday, April 5, 2021
" किती वाट मी पाहू "
किती वाट मी पाहू
कसे मनाला समजावू ।
काहूर हे या मनातले
सांग कसे मी शमवू ।
ये तू जरा कर ना त्वरा
सुखाने आयुष्य हे घालवू ।
Sanjay R.
Subscribe to:
Posts (Atom)