घेऊन ओझे डोक्यावर
सुरू होती भ्रमंती ।
विचारांचा गोधळ डोक्यात
नव्हती मनाला शांती ।
दमला थकला किती उरला
काळवंडली कांती ।
मृत्यू समोर ठाकला जेव्हा
उरले काय अंती ।
घे जगून दिवस अजून
मग लाभेल शांती ।
हस थोडा नी हसव थोडा
शेवटी होशील निवांत ।
Sanjay R.
Saturday, July 25, 2020
Friday, July 24, 2020
Wednesday, July 22, 2020
" लव्ह यु जिंदगी "
जीवनाचा काय भरोसा
घे ना जगून तू आता ।
पायावर तुझ्या उभा केला
तुझेच ते रे माता पिता ।
कर सेवा थोडी त्यांची
सर्वस्व सारे दिले तुला ।
तुझ्या विना रे कोण आता
जाग जरा रे तू मुला ।
वृद्धत्व तर अटळ आहे
जगला तू जर आयुष्य सारे ।
विसरू नको जीवनाला तू
सूर्य दिवसा रात्री तारे ।
धाडू नकोस वृद्धाश्रमी
आनंदाचे होतील फुले ।
प्रसंग असाच येईल तुजवर
बंद खोली आकाश खुले ।
Sanjay R.
Tuesday, July 21, 2020
" ती "
विसरून कसे चालेल
ती तर जननी या धरेची ।
भूमिका तिच्या अनेक
बघा कोण ती कुणाची ।
जन्मापासून जुळते नाते
आहे किती ती गुणाची ।
होईल कशी परतफेड
दोरी मी तिच्या ऋणाची ।
तीच माता तीच भगिनी
भार्या झाली आयुष्याची ।
होते जेव्हा मुलगी कुणाची
कीर्ती गावी तिच्या गुणांची ।
अनुसूया पार्वती ती जगदंबा
आई भवानी ही ती जगाची ।
होते कधी कथेतली ती परी
कधी अप्सरा रंभा इंद्र दरबाराची ।
उचलते भार सारा प्रपंचाचा
नाही तुलना तिच्या सामर्थ्याची ।
स्वतःच सोसते घाव सारे
नसे काळजी कधी दुःखाची ।
अर्पण करते सर्वस्व आपुले
परी लकीर गालावर हास्याची ।
अंतरात जरी वेदनांच्या लाटा
चिंता कुणा तिच्या आसवांची ।
Sanjay R.
Monday, July 20, 2020
" पाहिले प्रेम "
कधी पाहताच क्षणी प्रथम
वाटते व्हावी खूप जवळीक ।
ओढ लागते मग मनाला
नसते तीही कधी क्षणिक ।
लागते मन मग झुरायला
होते आस अधिकाअधिक ।
अन्न पाणी लागे ना गोड
होई क्षुधा अति अगतिक ।
प्रेमच कदाचित असावे ते
वेदना असते ती आंतरिक ।
नजरेला लागती वेध किती
प्रेमाची अवस्था ती भावनिक ।
Sanjay R.
Subscribe to:
Comments (Atom)