" किती मी महान "

काय कशाची शान
नाही कुणाचा मान ।
अर्जित केले ज्ञान
परी विसरलो भान ।
घेऊन सर्वस्वाची आन
होण्यास खूप महान ।
म्हणावे कुणी छान
घातले पालथे रान ।
घेऊनि  काही दान
घेतले आपलेच प्राण ।
झालो दहशतवादी
हाती हिंसेचे निशाण ।
Sanjay R.

" केला पावसाने घात "

का रे पावसा तुने
केला असा घात ।
सांग जरा यात
कुणाचा रे हात ।
सरला एक महिना
वाट तुझी पाहण्यात ।
करून पेरनी सारी
नाही काहीच शेतात ।
नजर लागली भिरभिर
ढग नाही आकाशात ।
चिंता सारीच आता
आली आसवं डोळ्यात ।
Sanjay R.

" अंत पृथ्वीचा "

नसेल पिण्यास पाणी
होईल  पृथ्वीचा अंत ।

पाण्यासाठी युद्ध
नसेल कुणास खंत ।

एकमेका मारतील
वाचविल कोण संत ।

विनाश सृष्टीचा होता
अंताचा होईल अंत ।
Sanjay R.

" हाल लय बेकार "

हाल लय आता बेकार
न्हाई पावसाले धार ।

काय अभायाचा इचार
खाली खाली दिशा चार ।

उनाचा झेलतो मी मार
पाहू कोनाचा अधार ।

अंतरात होते वार ।
करा मले तुमी सार ।
Sanjay R.

" का नशिबात गरीबी "

गरिबाला असतात कष्ट
सारेच कसे रे इथे दुष्ट  ।

देवा मजवर का रे तू रुष्ट
सारेच तर इथे आहेत भ्रष्ट।

अन्नाचा काय महिमा
कुणी उपाशी
तर कुणी धष्टपुष्ट ।

नशीब माझेच का असे
उपसतो नुसतेच कष्ट ।

गरिबीचा कलंक माथी
स्वप्न झालीत लुप्त ।

देवा.....
नसेल मार्ग कुठलाच तर
टाक ना करून मला नष्ट ।
Sanjay R.