" घोर नको लावू "

घोर नको लावू आता
जीवले माह्या ।

कवा पासून सांगतो
मनात काय माया ।

जवा जवा येते आठोन
चेरा दिसते तुया ।

मन महा धावते मंग
लागत न्हाइ  डोया ।

चित्तच जाते निंगून आनं
छातीत खुपते सुया ।
Sanjay R.

" रे मना काय तुझा गुन्हा "

अरे माझ्या मना

काय तूझा गुन्हा ।

स्वप्नात कधी तू

कधी विचारात ।

आनंदात कधी तर

कधी दुःखाच्या आवेगात ।

क्षणात इथे तर

क्षणातच रे तू कुठे ।

कधी असते तुला आस

तर कधी वाटे जीवन फास ।

कधी प्रेमाचा ध्यास

कधी शून्यात प्रवास ।

आहेस तू सखा खास

सुखद मज तुझा सहवास ।

रे मना नकोरे लावू हव्यास

निरंतर चालू दे श्वास ।

Sanjay R.

" माझा वाढदिवस "

मनापासून दिलेल्या तुमच्या
पडला शुभेच्छांचा पाऊस ।
मित्रांनो तुमच्या मूळच माझी
वाढदिवसाची पूर्ण होतेय हौस ।

माझ्या साठी तुम्हीच आहात
मित्र माझे खासम खास ।
तुमच्या विना मी आणि माझ्या कविता
नकोच मनात तसला भास ।

सदैव असा सोबत माझ्या
सुखकर होईल जीवन प्रवास ।
माझ्यासाठी तुम्हीच माझा
झालात सारे एक एक श्वास ।
Sanjay R.

" माझा मीच हरवलो "

माणसांच्या या गर्दीत
विचारांचा सागर ।

आवाजाचा कल्लोळ
वेदनांचा जागर ।

माझा मीच हरवलो
फिरतो आता नागर ।

शून्यही उरले नाही
न उरला कुणाचा आदर ।

शोधू कुठे आता
फिरते नुसतीच नजर ।

चालताहेत नुसते श्वास
घायाळ झाले जिगर ।
Sanjay R.

" गुरू विना मी अज्ञानी घागर "

गुरु तुम्हीच
ज्ञानाचा सागर ।
गुरु विना मी
अज्ञानी घागर ।

चला करू या
ज्ञानाचा जागर ।
द्या शिक्षा
मजसी गुरूवर ।

पाठ गिरविण्या
आहे मी सादर  ।
मनी माझ्या
तुमचाच आदर ।
Sanjay R.