विसरेल कसा सांग
आठवतो मला अजूनही
तुझ्या माझ्या भेटीचा
तो पहिला दिवस ।
दूर तू होतीस उभी
वाट कुणाची बघत
नजरा नजर झाली आणी
बघितले वळून मी परत ।
नशिबात होते काय
कुणास ठाऊक
परत परत झाली भेट
इच्छा मनाची नव्हती सरत ।
हळूच केव्हा ते
कसे बोललो आपण
शब्द जुळले मन मिळाले
सरला अंतरातला मी पण ।
अजूनही तसाच मी
आहे त्याच वाटेवर
आठवणी सुटणार नाही
प्रेमच असावे तुझ्यावर ।
Sanjay R.
No comments:
Post a Comment