मनात नको तो आहे ध्यास
करू कुणावर सांगा विश्वास ।
खोटी ही दुनिया सारीच
खडतर किती जीवन प्रवास ।
मित्र असो वा असो कोणी
म्हणू कुणा मी माझा खास ।
गोड बोलुनी गळा कापती
सारेच इथे फसवे आभास ।
लोभी भोगी काही कळेना
हिसकून घेती हातचा घास ।
पर्वा कुणाची नाही कुणाला
ठिकठिकाणी आहेत फास ।
लोभ मोह मत्सर माया
प्रत्येकासी तोच हव्यास ।
माझे मलाच नकळे काही
घेऊ कसा मी माझाच श्वास ।
Sanjay R.
No comments:
Post a Comment