इच्छा मनात अनेक
बघतो स्वप्न त्यांचे ।
होती पूर्ण सारे
सारे आभास मनाचे ।
दूर जळतो दिवा
प्रकाश लखलख त्याचा ।
अंतरात जळते मन
संदर्भ त्यास कुणाचा ।
जग जिंकावे ही इच्छा
देईल कोण सदिच्छा ।
रात्र असते भयाण
स्वप्न करते पिच्छा ।
स्वप्ना विनाची रात्र
मोडून झोप जाते ।
निज निज करतो मनात
स्वप्न सोडून जाते ।
उरते मनात इच्छा
सांगू कसे कुणाला ।
सोडून सारेच जायचे
मन समजावी मनाला ।
Sanjay R.
No comments:
Post a Comment