तोही एकटा बिचारा
सतत शोधतो सितारा ।
गवसेना त्यासी किनारा
लोटतो वादळी वारा ।
सोबतीला अश्रुंच्या धारा
सोसतो नशिबाचा मारा ।
भावनांचा खेळ सारा
अंतरात झाला पसारा ।
मिळेना कुठेच इशारा
विरह त्यालाच विचारा ।
Sanjay R.
थेंबे ठबे भरतो सागर
शोधू कुठे मी, मिळेना घागर ।
अफाट किती ही इथली गर्दी
अहोरात्र का होतो जागर ।
सुख दुःखाच्या वाटा इथल्या
क्षणात सरते, फिरतो नागर ।
कोण मी कुठला सांगा
प्रभू तुझा रे मीही चाकर ।
Sanjay R.
पाई पाई करतो वारी
पंढरीचा तो वारकरी ।
अवघा आनंद मनी
पोचायचे त्याचे दारी ।
भाव भक्तीचा ठाई
चाले सोडून दिशा चारी ।
पुढे दिसे वाट पंढरीची
तहान भूक हरली सारी ।
प्राण ही हा तळमळला
वाट पाहतो हरी हरी ।
अंतरात वसतो पांडुरंग
बोला जय जय श्री हरी ।
Sanjay R.
