गैर समज

समज वा नासमज

सगळाच गैर समज ।

समजवायचे किती

असो वा नसो गरज ।

तुटलेले हे मन असे

जुळेल का खरंच ।

धाग्याला धागा जुळतो

स्वच्छ असे मन तरच ।

नको राग नको लोभ

मोह माया ठेवा दूरच ।

मनाशी मन जुळवा

मी मी सोडाल तरच ।

Sanjay R.

अधीर हे मन

अधीर किती हे मन

थांबेना एकही क्षण ।

सदा आस कशाची

अनमोल कुठले धन ।

Sanjay R.

पाणी

नभात शोधतो मी

थेंब दोन पाण्याचे ।

आले आसवे डोळ्यात

संदर्भ तेच जीवनाचे ।

Sanjay R.

अबोली

अबोली असो वा मोगरा

खुलतो केसात गजरा ।

बघतो डोळ्यात जेव्हा

चेहरा तुझाच लाजरा ।

Sanjay R.

भाव भक्ती

भाव भक्तीचा मार्ग
नेईल तिथेच स्वर्ग ।
मिटून दोन डोळे
चरणी लीन होतो ।

रूप तुझे आठवतो
मनी मी साठवतो ।
न उरते आशा मग
धन्य मनात होतो ।

राग लोभ मत्सर
सारेच ते दुराचार ।
लोप होतो तयाचा
भार सारा सरतो ।

दीन दुःखी गरीब
सारे माझ्या करीब ।
मीही दास प्रभूचा
भाव भक्तीत पाहतो
Sanjay R.