ऊन लागलं तपाले
डोईवर न्हाई शेला ।
नागर हाये धराचा
पाय बैल कुठं गेला ।
त्याले बी लागते ऊन
मारते झाडाले रेला ।
पानी पानी होते जीव
शोधू कुठं मी पेला ।
मांगच साल पाहा कस
देवानं पाऊस किती देला ।
कथा म्हणु का व्यथा
शेतकरी पाण्यानच मेला ।
डोये लागले अभायाले
नवस बायकोन केला ।
पीक होऊ दे म्हने बर
मंग घेउ आपनही शेला ।
संजय रोंघे
नागपूर
हवा तुझा होकार
एकदा तू हो म्हण ।
तुटेल कुठे प्रण पण
जुळेल माझे मन ।
येकदा तू हो म्हण
वेचील मी सारे कण ।
होईल जीवन सुखाचे
आनंदाचे सारे क्षण ।
येकदा तू हो म्हण
नाही प्रश्न हा गहन ।
असू दे वाट दुःखाची
करू सोबत सारे सहन ।
Sanjay R.
नाही चां तुझा पाढा
बोलणार कधी हो ।
किती बघायची वाट
नको तर, म्हण तू नो ।
हट्ट तुझा असा कसा
कळेना मलाही तो ।
रुसवा ही तुझा भारी
त्याला देना थोडा खो ।
Sanjay R.
करू नकोस तू युक्ती
नाही मिळणार मुक्ती ।
मिळण्या मनासारखे
लागते करावी भक्ती ।
त्याच्या विना आहे कोण
जाणावी त्याची शक्ती ।
देवा मलाही असू देरे
जीवनात तुझी आसक्ती ।
Sanjay R.
