भक्ती

करू नकोस तू युक्ती
नाही मिळणार मुक्ती ।
मिळण्या मनासारखे
लागते करावी भक्ती ।
त्याच्या विना आहे कोण
जाणावी त्याची शक्ती ।
देवा मलाही असू देरे
जीवनात तुझी आसक्ती ।
Sanjay R.

आठवा जरा जुना काळ

आठवा जरा जुना काळ
घर भरून असायचे ।
सगळेच येका छताखाली
मिळून मिसळून हसायचे ।

आजी आजोबा काका काकू
सगळेच सोबत बसायचे ।
एकमेका आधार त्यांचा
सुख दुःख वाटून जगायचे ।

तुटले आता ते जुने घर
प्रत्येकाला वेगळे राहायचे ।
सासू नको सासर नको
सांगा एकटेच काय बघायचे ।

मोबाईल ने तर केला दगा
सांगे येकटे कसे जगायचे ।
म्हातारपण तर किती कठीण
त्यांना कुणी सावरायचे ।
Sanjay R.

संयुक्त कुटुंब

उरलेच कुठे आता
जुने ते संयुक्त कुटुंब ।
पोट पाणी नोकरी
हा जीवनाचा स्तंभ ।

उदरभरण नाही सोपे
वाताहत झाली कुटुंबाची ।
घर सुटले दार तुटले
कथा हीच जीवनाची ।

आई बाप उरले मागे
जगतात ते उपाशी ।
तडफडतो आत्मा त्यांचा
ढाळतात आश्रु उशाशी ।
Sanjay R.

जाते कुठे ही वाट

जाते कुठे ही वाट
आहे माझ्याशी गाठ ।
सोडू नको रे तू पाठ
होईल परत पहाट ।
आहे जायचे पुढे पुढे
निर्धार माझा आहे ताठ ।
Sanjay R.

चाहूल उन्हाळ्याची

किती तापतोय सूर्य
चाहूल उन्हाळ्याची ।
गर्मीचा होईल प्रकोप
गरज आता पाण्याची ।
हवी मज सावली थोडी
हवा थोडासा  गारवा ।
कंठ सुकलेला हा जसा
फुलला पळस नवा ।
Sanjay R.