येकदा तू हो म्हण

हवा तुझा होकार
एकदा तू हो म्हण ।
तुटेल कुठे प्रण पण
जुळेल माझे मन ।

येकदा तू हो म्हण
वेचील मी सारे कण ।
होईल जीवन सुखाचे
आनंदाचे सारे क्षण ।

येकदा तू हो म्हण
नाही प्रश्न हा गहन ।
असू दे वाट दुःखाची
करू सोबत सारे सहन ।
Sanjay R.

रुसवा तुझा भारी

नाही चां तुझा पाढा
बोलणार कधी हो ।
किती बघायची वाट
नको तर, म्हण तू नो ।
हट्ट तुझा असा कसा
कळेना मलाही तो ।
रुसवा ही तुझा भारी
त्याला देना थोडा खो ।
Sanjay R.

जसं हो म्हणावं

तुझ्या हो ला मी

जसं हो म्हणावं ।

नाही ला नाही

तेही तुला कळावं ।

मनात तुझ्या काय

मन मनाशी जुळावं ।

येणारं संकट ही मग

ते सहजच टळावं ।

नको सोडू तू असे

वय लागलं सोळावं ।

आग लागली तनात

त्यात तूही पोळावं ।

Sanjay R.

भक्ती

करू नकोस तू युक्ती
नाही मिळणार मुक्ती ।
मिळण्या मनासारखे
लागते करावी भक्ती ।
त्याच्या विना आहे कोण
जाणावी त्याची शक्ती ।
देवा मलाही असू देरे
जीवनात तुझी आसक्ती ।
Sanjay R.

आठवा जरा जुना काळ

आठवा जरा जुना काळ
घर भरून असायचे ।
सगळेच येका छताखाली
मिळून मिसळून हसायचे ।

आजी आजोबा काका काकू
सगळेच सोबत बसायचे ।
एकमेका आधार त्यांचा
सुख दुःख वाटून जगायचे ।

तुटले आता ते जुने घर
प्रत्येकाला वेगळे राहायचे ।
सासू नको सासर नको
सांगा एकटेच काय बघायचे ।

मोबाईल ने तर केला दगा
सांगे येकटे कसे जगायचे ।
म्हातारपण तर किती कठीण
त्यांना कुणी सावरायचे ।
Sanjay R.