एक कप चहा

एक कप चहा
रुपये पडतात दहा ।
पिताच मिळे उत्साह
डोकेदुखी होते स्वाहा ।

मित्र मंडळी जमती जिथे
रंगती गप्पा सोबत चहा ।
न होणारे ही काम होई
चहा ची हीच करामत महा ।
Sanjay R.

कोण ती

प्रेमात कुठे शांती

आठवणीत जळते पणती ।

नका विचारू हो असे

आहे कोण ती ।

प्रीत जडली जिच्याशी

आहे तीच प्रीती ।

कल्पनेच्या वलयात

वसते या मनात ती ।

Sanjay R.

सासू सुनेची आई

कशी होईल सासू
तिच्या सुनेची हो आई ।
मधे दोघींच्या तर आहे
खोल किती ती खाई ।

आई मायेची पाखर
गोड किती ती साखर ।
सासू कडू लिंबाचे पान
कशी भासते ती प्रखर ।

भांडे सासा सूना दोघी
लोक आजूबाजूचे बघी ।
होई शब्दा शब्दात वाद
नाते नसेल असे जगी ।

भाव आईचा कसा बघा
नेला हिसकावून पोरगा ।
प्रेम किती तिच्या अंतरात
वाटे केला सूनेनेच दगा ।

सून कशी ती बिचारी
जीव लावते नवऱ्यावरी ।
गोंधळ होतो हो आईचा
प्रेम तिचे मुलावर भारी ।
Sanjay R.



लेक ती तू सासू

सांग ना मला जरा
आई कशी ग तू सासू ।
सुनेचे करते लाड
पण देत नाही बसू ।
नेहमी असते कामात
सरले ग तिचे हसू ।
राग आला की तू ग
होतेस कशी रुसू ।
राबवू नको ग सूनेस
कर लेक ती तू सासू ।
Sanjay R.

नको छेडू मज

नको छेडू मज
रात्र खूप झाली ।
धुंदी या डोळ्यांत
झोपेची ही आली ।

दिवसा झाले काम
आता हरी नाम ।
तू राधा माझी
मी तुझा ग शाम ।

नको ना छेडू मज
झोप मज आली ।
धुंद प्रेमात झालो
बघ ओठावर लाली ।
Sanjay R.