कळत असो वा नकळत

कळत असो वा
असो नकळत ।
ऐकायचे फक्त
आता मनाचे ।
नको ते सोडून
हवे तेच बघायचे ।
सुख दुःख सोबती
आनंदात जगायचे ।
झाले गेले विसरून
फक्त हो हसायचे ।
Sanjay R.

कळत नकळत

कळत नकळत
कधी होतात चुका ।
किंमत चुकवायचा
मग असतो धोका ।
डोक्याला होतो ताप
कोणी बघतो मोका ।
सावरून मनाला
वेळीच टोका ।
Sanjay R.

समर्थन

आनाचारी अविचारी
काही कु प्रथाही इथे ।
परंपरा असेल जरी
नकोच समर्थन तिथे ।
Sanjay R.

जुन्या त्या परंपरा

जुन्या जरी त्या परंपरा
नका हो तुम्ही सोडू ।
पूर्वजांचा तर तोच ठेवा
जीवनात तोही जोडू ।

प्रगतीलाही हवी साथ
त्यातूनच साधेल हीत ।
परंपरांचा करा आदर
होईल तुमचीच जित ।

पुढे पुढे जातानाही
वळून मागे थोडे बघा ।
सापडेल जीवनाचा अर्थ
सुख आनंदाने जगा ।
Sanjay R.

परंपरा

जीवनात हवा
परंपरेचा साज ।
आयुष्याला येतो
समृद्धीचा बाज ।
Sanjay R.